Qazaqstan munai eksporttaýdyń túrli baǵdaryn qarastyryp jatyr. Bul jaiynda QR Energetika ministri Bolat Aqsholaqov aitty, dep habarlaidy QazAqparat.
«Kezinde eksporttyń, onyń ishinde Qytai men Eýropa baǵytynda da tarmaqtalǵan júiesi bolǵan edi. Ázirshe sanktsiia joq. Sondyqtan qandai da bir kólemdi basqa jaqqa jóneltý máselesin qarastyryp otyrǵan joqpyz. Biz ýaǵdalasqanymyzdai shtattyq rejimde, Kaspii qubyr konsortsiýmy arqyly, Samara arqyly jumys istei beremiz. Bizdiń túrli múmkindigimiz, Aqtaý portymyz, Baltyq qubyr júiesi bar. Biraq, ázirshe olardy qarastyryp otyrǵan joqpyz», - dedi ministr Úkimet otyrysynan keiin tilshilerge bergen suhbatynda.
Sonymen qatar ol munai óndirý kólemin tómendetý de kútilmeitindigin basa aitty.
«Óndirýge eń aldymen, satý múmkindigi áser etedi. Eger satý múmkindigi bolsa, onda esh qiyndyq joq ekeni túsinikti. Biz 87,5 mln tonna mólsherinde bekitilgen josparymyzdy qoldanystaǵy infraqurylymnyń kúshimen óndire alamyz», - dedi Bolat Aqsholaqov.
