قازاقستان مۇناي ەكسپورتتاۋدىڭ تٷرلٸ باعدارىن قاراستىرىپ جاتىر. بۇل جايىندا قر ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«كەزٸندە ەكسپورتتىڭ, ونىڭ ٸشٸندە قىتاي مەن ەۋروپا باعىتىندا دا تارماقتالعان جٷيەسٸ بولعان ەدٸ. ەزٸرشە سانكتسييا جوق. سوندىقتان قانداي دا بٸر كٶلەمدٸ باسقا جاققا جٶنەلتۋ مەسەلەسٸن قاراستىرىپ وتىرعان جوقپىز. بٸز ۋاعدالاسقانىمىزداي شتاتتىق رەجيمدە, كاسپيي قۇبىر كونسورتسيۋمى ارقىلى, سامارا ارقىلى جۇمىس ٸستەي بەرەمٸز. بٸزدٸڭ تٷرلٸ مٷمكٸندٸگٸمٸز, اقتاۋ پورتىمىز, بالتىق قۇبىر جٷيەسٸ بار. بٸراق, ەزٸرشە ولاردى قاراستىرىپ وتىرعان جوقپىز», - دەدٸ مينيستر ٷكٸمەت وتىرىسىنان كەيٸن تٸلشٸلەرگە بەرگەن سۇحباتىندا.
سونىمەن قاتار ول مۇناي ٶندٸرۋ كٶلەمٸن تٶمەندەتۋ دە كٷتٸلمەيتٸندٸگٸن باسا ايتتى.
«ٶندٸرۋگە ەڭ الدىمەن, ساتۋ مٷمكٸندٸگٸ ەسەر ەتەدٸ. ەگەر ساتۋ مٷمكٸندٸگٸ بولسا, وندا ەش قيىندىق جوق ەكەنٸ تٷسٸنٸكتٸ. بٸز 87,5 ملن توننا مٶلشەرٸندە بەكٸتٸلگەن جوسپارىمىزدى قولدانىستاعى ينفراقۇرىلىمنىڭ كٷشٸمەن ٶندٸرە الامىز», - دەدٸ بولات اقشولاقوۆ.
