7 aida Qazaqstan men Túrkiia arasynda saýda ainalymy 3,5 mlrd dollarǵa jetti. Bul týraly Aqordada Túrkiia Prezidenti Rejep Taiip Erdoǵanmen kelissózderden keiin BAQ ókilderine arnalǵan brifingte Memleket basshysy Qasym-Jomart Toqaev aitty, dep habarlaidy QazAqparat.
«Búgin Túrkiia Prezidentiniń sapary aiasynda joǵary deńgeidegi strategiialyq yntymaqtastyq keńesiniń 4-otyrysy ótti. Jiynda asa mańyzdy máseleler boiynsha pikir almastyq. Basqosý mazmundy ári maǵynaly boldy. Is-sharanyń sońynda túrli saladaǵy bailanysty jańa beleske kóteretin úkimetaralyq qujattarǵa qol qoidyq. Ekijaqty saýda-ekonomikalyq jáne investitsiialyq yntymaqtastyq - bizdiń bailanystarymyzdyń ózegi. Bul baǵyttar boiynsha qarym-qatynas qarqyndy damyp kele jatyr. Ásirese, áskeri salada yntymaqtastyǵymyz arta tústi», - dedi Memleket basshysy.
QR Prezidenti byltyr eki eldiń ózara saýdasy 33 paiyzǵa artyp, 4 mlrd dollardan asqanyn aitty.
«Túrkiia Qazaqstannyń eń iri 5 saýda seriktesiniń biri. Biylǵy 7 aidyń qorytyndysy boiynsha ekijaqty saýda 66 paiyzǵa ósip, 3,5 mlrd dollar boldy. Biz saýda ainalymyn 10 mlrd dollarǵa jetkizýdi kózdep otyrmyz. Bul - elderimizdiń aldynda turǵan strategiialyq beles. Túrik investorlary Qazaqstan ekonomikasyna 4,35 mlrd investitsiia saldy. Al Qazaqstannyń Túrkiiaǵa salǵan investitsiiasy - 1,13 mlrd dollar. Jalpy ótken jyldyń qorytynlysy boiynsha Túrkiia bizdiń elimizdegi eń iri 10 investordyń qataryna kirdi», - dedi Qasym-Jomart Toqaev.
