7 ايدا قازاقستان مەن تٷركييا اراسىندا ساۋدا اينالىمى 3,5 ملرد دوللارعا جەتتٸ. بۇل تۋرالى اقوردادا تٷركييا پرەزيدەنتٸ رەجەپ تاييپ ەردوعانمەن كەلٸسسٶزدەردەن كەيٸن باق ٶكٸلدەرٸنە ارنالعان بريفينگتە مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«بٷگٸن تٷركييا پرەزيدەنتٸنٸڭ ساپارى اياسىندا جوعارى دەڭگەيدەگٸ ستراتەگييالىق ىنتىماقتاستىق كەڭەسٸنٸڭ 4-وتىرىسى ٶتتٸ. جيىندا اسا ماڭىزدى مەسەلەلەر بويىنشا پٸكٸر الماستىق. باسقوسۋ مازمۇندى ەرٸ ماعىنالى بولدى. ٸس-شارانىڭ سوڭىندا تٷرلٸ سالاداعى بايلانىستى جاڭا بەلەسكە كٶتەرەتٸن ٷكٸمەتارالىق قۇجاتتارعا قول قويدىق. ەكٸجاقتى ساۋدا-ەكونوميكالىق جەنە ينۆەستيتسييالىق ىنتىماقتاستىق - بٸزدٸڭ بايلانىستارىمىزدىڭ ٶزەگٸ. بۇل باعىتتار بويىنشا قارىم-قاتىناس قارقىندى دامىپ كەلە جاتىر. ەسٸرەسە, ەسكەري سالادا ىنتىماقتاستىعىمىز ارتا تٷستٸ», - دەدٸ مەملەكەت باسشىسى.
قر پرەزيدەنتٸ بىلتىر ەكٸ ەلدٸڭ ٶزارا ساۋداسى 33 پايىزعا ارتىپ, 4 ملرد دوللاردان اسقانىن ايتتى.
«تٷركييا قازاقستاننىڭ ەڭ ٸرٸ 5 ساۋدا سەرٸكتەسٸنٸڭ بٸرٸ. بيىلعى 7 ايدىڭ قورىتىندىسى بويىنشا ەكٸجاقتى ساۋدا 66 پايىزعا ٶسٸپ, 3,5 ملرد دوللار بولدى. بٸز ساۋدا اينالىمىن 10 ملرد دوللارعا جەتكٸزۋدٸ كٶزدەپ وتىرمىز. بۇل - ەلدەرٸمٸزدٸڭ الدىندا تۇرعان ستراتەگييالىق بەلەس. تٷرٸك ينۆەستورلارى قازاقستان ەكونوميكاسىنا 4,35 ملرد ينۆەستيتسييا سالدى. ال قازاقستاننىڭ تٷركيياعا سالعان ينۆەستيتسيياسى - 1,13 ملرد دوللار. جالپى ٶتكەن جىلدىڭ قورىتىنلىسى بويىنشا تٷركييا بٸزدٸڭ ەلٸمٸزدەگٸ ەڭ ٸرٸ 10 ينۆەستوردىڭ قاتارىنا كٸردٸ», - دەدٸ قاسىم-جومارت توقاەۆ.
