Qazaqstan-Rýmyniia saýda-ekonomikalyq jáne ǵylymi-tehnikalyq yntymaqtastyq jónindegi úkimetaralyq komissiiasy tarihynda alǵash ret otyrys videokonferentsiia formatynda ótti, dep habarlaidy "Ult aqparat".
Qazaqstannyń Rýmyniiadaǵy elshiliginiń málimetinshe, otyrysta Qazaqstan tarapynan úkimetaralyq komissiiaǵa QR Ekologiia, geologiia jáne tabiǵi resýrstar ministri Maǵzum Myrzaǵaliev, al Rýmyniia tarapynan sol eldiń Energetika jáne iskerlik orta ministri Virdjil-Daniel Popeský tóraǵalyq etti.
Kelissóz qorytyndysynda úkimetaralyq komissiianyń 15-otyrysynyń hattamasyna qol qoiyldy. Qujattyń rásimdelýine ózara is-qimyldyń keń aýqymdy máseleleri boiynsha belsendi túrde júrgizilgen kelissózder sep boldy.
Atap aitqanda, energetika, qorshaǵan ortany qorǵaý, jeńil jáne aýyr ónerkásip, qurylys, aýyl sharýashylyǵy, bilim berý, kólik jáne farmatsevtika syndy basym baǵyttardy jandarý ýaǵdalastyǵyna qol jetkizildi.
Buǵan qosa, saýda bailanystaryn jáne ózara investitsiia tartýdy belsendi túrde keńeitýdiń airyqsha mańyzdylyǵy atalyp ótildi.
