Premer-ministr Oljas Bektenov Qytai Halyq Respýblikasynyń Qazaqstan Respýblikasyndaǵy Tótenshe jáne ókiletti elshisi Chjan Siaomen eki memleket basshylary deńgeiinde qol jetkizilgen ýaǵdalastyqtardy iske asyrý barysyn talqylady. Bul týraly Úkimettiń baspasóz qyzmeti habarlady.
Ótken jyldyń qorytyndysy boiynsha Qazaqstan men Qytai arasyndaǵy ekijaqty taýar ainalymy 30%-ǵa ósip, $31,5 mlrd-qa jetti. 2023 jyldyń 9 aiynda Qazaqstan ekonomikasyna salynǵan QHR investitsiialarynyń kólemi shamamen $1,4 mlrd bolǵan.
Qazirgi ýaqytta investitsiialar kólemi $14,5 mlrd-tan asatyn 45 birlesken qazaq-qytai jobasy iske asyrylý ústinde. Osy jyldyń 2 aiynda konteinerlik tasymaldaý kólemi 2,6 esege ósti. Sondai-aq saýda qatynastarynyń qazirgi áleýeti taýar ainalymyn odan ári ártaraptandyrý jáne investitsiialyq ózara is-qimyldy keńeitý perspektivalary bar ekenin kórsetip otyr.
Kelissózder barysynda ózara saýdadaǵy shekteýlerdi joiý, ákimshilik kedergilerdi alyp tastaý jáne kedendik rásimderdi ońailatý jónindegi sharalar qaraldy. Atap aitqanda, elimizdiń Qytai naryǵyna joǵary deńgeide óńdelgen aýyl sharýashylyǵy ónimin jetkizý kólemin ulǵaitýǵa daiyn ekeni aityldy.
Sondai-aq «Baqty-Tachen» jańa temirjol arqyly ótkizý beketin salý, Transkaspii halyqaralyq kólik baǵytynyń áleýetin keńeitý jáne óńirlik integratsiiany damytý boiynsha tranzittik-kólik salasyndaǵy iske asyrylyp jatqan qadamdar talqylandy. Oǵan qosa jolaýshylar reisteriniń sanyn arttyrý máseleleri qaraldy.
Qazaqstan Úkimetiniń basshysy QR men QHR arasyndaǵy saýda-ekonomikalyq áriptestik ósip kele jatqanyn atap ótti.
«Qazaq-qytai birlesken jobalary naryqta sapaly jáne suranysqa ie ónimder shyǵaratyn joǵary tehnologiialyq kásiporyndar qurýǵa múmkindik beredi. Búginde elimizdiń aýmaǵynda 3 000 birlesken kompaniia tabysty jumys istep jatyr. Bul eki eldiń biznes qaýymdastyqtary seriktestiginiń turaqtylyǵy men ónimdiligin kórsetedi», — dedi Oljas Bektenov.
Óz kezeginde QHR-nyń QR-daǵy elshisi eki eldiń strategiialyq áriptestigin damytý serpini joǵary ekenin rastady.
«Búgingi tańda barlyq baǵyt boiynsha eki el arasyndaǵy qarym-qatynas jaqsy damyp keledi. Prezident Qasym-Jomart Toqaevtyń Qytaiǵa saparlary ekijaqty qarym-qatynasty tereńdetýge jáne damytýǵa zor serpin berdi. Biz Qazaqstan Prezidenti jariialaǵan aýqymdy ekonomikalyq ózgerister baǵdarlamasyn joǵary baǵalaimyz. 2029 jylǵa qarai Qazaqstannyń JIÓ-sin eki esege ulǵaitý jónindegi biik maqsatqa qol jetkizýge ábden bolady dep sanaimyz», — dedi Chjan Siao.
Kezdesý qorytyndysy boiynsha Oljas Bektenov pen Chjan Siao Qazaqstan men Qytai ózara saýda-ekonomikalyq yntymaqtastyqty dáiekti túrde damytý jumysyn kúsheitýge daiyn ekenin rastady.
