پرەمەر-مينيستر ولجاس بەكتەنوۆ قىتاي حالىق رەسپۋبليكاسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ چجان سياومەن ەكٸ مەملەكەت باسشىلارى دەڭگەيٸندە قول جەتكٸزٸلگەن ۋاعدالاستىقتاردى ٸسكە اسىرۋ بارىسىن تالقىلادى. بۇل تۋرالى ٷكٸمەتتٸڭ باسپاسٶز قىزمەتٸ حابارلادى.
ٶتكەن جىلدىڭ قورىتىندىسى بويىنشا قازاقستان مەن قىتاي اراسىنداعى ەكٸجاقتى تاۋار اينالىمى 30%-عا ٶسٸپ, $31,5 ملرد-قا جەتتٸ. 2023 جىلدىڭ 9 ايىندا قازاقستان ەكونوميكاسىنا سالىنعان قحر ينۆەستيتسييالارىنىڭ كٶلەمٸ شامامەن $1,4 ملرد بولعان.
قازٸرگٸ ۋاقىتتا ينۆەستيتسييالار كٶلەمٸ $14,5 ملرد-تان اساتىن 45 بٸرلەسكەن قازاق-قىتاي جوباسى ٸسكە اسىرىلۋ ٷستٸندە. وسى جىلدىڭ 2 ايىندا كونتەينەرلٸك تاسىمالداۋ كٶلەمٸ 2,6 ەسەگە ٶستٸ. سونداي-اق ساۋدا قاتىناستارىنىڭ قازٸرگٸ ەلەۋەتٸ تاۋار اينالىمىن ودان ەرٸ ەرتاراپتاندىرۋ جەنە ينۆەستيتسييالىق ٶزارا ٸس-قيمىلدى كەڭەيتۋ پەرسپەكتيۆالارى بار ەكەنٸن كٶرسەتٸپ وتىر.
كەلٸسسٶزدەر بارىسىندا ٶزارا ساۋداداعى شەكتەۋلەردٸ جويۋ, ەكٸمشٸلٸك كەدەرگٸلەردٸ الىپ تاستاۋ جەنە كەدەندٸك رەسٸمدەردٸ وڭايلاتۋ جٶنٸندەگٸ شارالار قارالدى. اتاپ ايتقاندا, ەلٸمٸزدٸڭ قىتاي نارىعىنا جوعارى دەڭگەيدە ٶڭدەلگەن اۋىل شارۋاشىلىعى ٶنٸمٸن جەتكٸزۋ كٶلەمٸن ۇلعايتۋعا دايىن ەكەنٸ ايتىلدى.
سونداي-اق «باقتى-تاچەن» جاڭا تەمٸرجول ارقىلى ٶتكٸزۋ بەكەتٸن سالۋ, ترانسكاسپيي حالىقارالىق كٶلٸك باعىتىنىڭ ەلەۋەتٸن كەڭەيتۋ جەنە ٶڭٸرلٸك ينتەگراتسييانى دامىتۋ بويىنشا ترانزيتتٸك-كٶلٸك سالاسىنداعى ٸسكە اسىرىلىپ جاتقان قادامدار تالقىلاندى. وعان قوسا جولاۋشىلار رەيستەرٸنٸڭ سانىن ارتتىرۋ مەسەلەلەرٸ قارالدى.
قازاقستان ٷكٸمەتٸنٸڭ باسشىسى قر مەن قحر اراسىنداعى ساۋدا-ەكونوميكالىق ەرٸپتەستٸك ٶسٸپ كەلە جاتقانىن اتاپ ٶتتٸ.
«قازاق-قىتاي بٸرلەسكەن جوبالارى نارىقتا ساپالى جەنە سۇرانىسقا يە ٶنٸمدەر شىعاراتىن جوعارى تەحنولوگييالىق كەسٸپورىندار قۇرۋعا مٷمكٸندٸك بەرەدٸ. بٷگٸندە ەلٸمٸزدٸڭ اۋماعىندا 3 000 بٸرلەسكەن كومپانييا تابىستى جۇمىس ٸستەپ جاتىر. بۇل ەكٸ ەلدٸڭ بيزنەس قاۋىمداستىقتارى سەرٸكتەستٸگٸنٸڭ تۇراقتىلىعى مەن ٶنٸمدٸلٸگٸن كٶرسەتەدٸ», — دەدٸ ولجاس بەكتەنوۆ.
ٶز كەزەگٸندە قحر-نىڭ قر-داعى ەلشٸسٸ ەكٸ ەلدٸڭ ستراتەگييالىق ەرٸپتەستٸگٸن دامىتۋ سەرپٸنٸ جوعارى ەكەنٸن راستادى.
«بٷگٸنگٸ تاڭدا بارلىق باعىت بويىنشا ەكٸ ەل اراسىنداعى قارىم-قاتىناس جاقسى دامىپ كەلەدٸ. پرەزيدەنت قاسىم-جومارت توقاەۆتىڭ قىتايعا ساپارلارى ەكٸجاقتى قارىم-قاتىناستى تەرەڭدەتۋگە جەنە دامىتۋعا زور سەرپٸن بەردٸ. بٸز قازاقستان پرەزيدەنتٸ جارييالاعان اۋقىمدى ەكونوميكالىق ٶزگەرٸستەر باعدارلاماسىن جوعارى باعالايمىز. 2029 جىلعا قاراي قازاقستاننىڭ جٸٶ-سٸن ەكٸ ەسەگە ۇلعايتۋ جٶنٸندەگٸ بيٸك ماقساتقا قول جەتكٸزۋگە ەبدەن بولادى دەپ سانايمىز», — دەدٸ چجان سياو.
كەزدەسۋ قورىتىندىسى بويىنشا ولجاس بەكتەنوۆ پەن چجان سياو قازاقستان مەن قىتاي ٶزارا ساۋدا-ەكونوميكالىق ىنتىماقتاستىقتى دەيەكتٸ تٷردە دامىتۋ جۇمىسىن كٷشەيتۋگە دايىن ەكەنٸن راستادى.
