QR Syrtqy ister ministrliginde Dúniejúzilik bankpen ózara árekettestiktiń máseleleri talqylandy, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
Qazaqstan Respýblikasy Premer-Ministriniń orynbasary – Syrtqy ister ministri Muhtar Tileýberdi Óńirlik direktor Liliia Býrýnchýk pen Dúniejúzilik banktiń Qazaqstandaǵy Turaqty ókili Jan-Fransýa Martony qabyldady.
Kezdesý barysynda Qazaqstan men Dúniejúzilik bank toby arasyndaǵy yntymaqtastyqtyń áleýetti baǵyttary talqylanyp, sondai-aq qazaqstandyq ekonomikanyń basym sektorlaryndaǵy jobalardy iske asyrýǵa baǵyttalǵan «reformalar matritsasyn» ázirleýdi aiaqtaý máseleleri qarastyryldy.
Ministr suhbattasýshylardy koronavirýs pandemiiasynyń saldaryn eńserý jónindegi Úkimettiń sharalarymen tanystyrdy. Ol Dúniejúzilik bank basshylyǵyna COVID-19-ǵa qarsy kúreste kórsetken qoldaýy úshin alǵys aitty.
Kezdesý qorytyndysy boiynsha taraptar barlyq baǵyttar boiynsha syndarly ózara is-qimyldy jalǵastyrýǵa kelisti.
