قر سىرتقى ٸستەر مينيسترلٸگٸندە دٷنيەجٷزٸلٸك بانكپەن ٶزارا ەرەكەتتەستٸكتٸڭ مەسەلەلەرٸ تالقىلاندى, دەپ حابارلايدى "ۇلت اقپارات" اتالعان ۆەدومستۆونىڭ باسپاسٶز قىزمەتٸنە سٸلتەمە جاساپ.
قازاقستان رەسپۋبليكاسى پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸ ٶڭٸرلٸك ديرەكتور ليلييا بۋرۋنچۋك پەن دٷنيەجٷزٸلٸك بانكتٸڭ قازاقستانداعى تۇراقتى ٶكٸلٸ جان-فرانسۋا مارتونى قابىلدادى.
كەزدەسۋ بارىسىندا قازاقستان مەن دٷنيەجٷزٸلٸك بانك توبى اراسىنداعى ىنتىماقتاستىقتىڭ ەلەۋەتتٸ باعىتتارى تالقىلانىپ, سونداي-اق قازاقستاندىق ەكونوميكانىڭ باسىم سەكتورلارىنداعى جوبالاردى ٸسكە اسىرۋعا باعىتتالعان «رەفورمالار ماتريتساسىن» ەزٸرلەۋدٸ اياقتاۋ مەسەلەلەرٸ قاراستىرىلدى.
مينيستر سۇحباتتاسۋشىلاردى كوروناۆيرۋس پاندەميياسىنىڭ سالدارىن ەڭسەرۋ جٶنٸندەگٸ ٷكٸمەتتٸڭ شارالارىمەن تانىستىردى. ول دٷنيەجٷزٸلٸك بانك باسشىلىعىنا COVID-19-عا قارسى كٷرەستە كٶرسەتكەن قولداۋى ٷشٸن العىس ايتتى.
كەزدەسۋ قورىتىندىسى بويىنشا تاراپتار بارلىق باعىتتار بويىنشا سىندارلى ٶزارا ٸس-قيمىلدى جالعاستىرۋعا كەلٸستٸ.
