Qazaqstan qor birjasynda (KASE) saýda ýaqyty taǵy da keiinge shegerildi, - dep habarlaidy "Ult aqparat" birjanyń baspasóz qyzmetine silteme jasap.
"Tehnikalyq sebepter boiynsha KASE qor naryǵynda saýda Nur-Sultan ýaqytymen saǵat 14.00-ge aýystyryldy. Ýaqyttyń ózgerýi KASE saýda-kliring júiesi jumysyndaǵy tehnikalyq irkiliske bailanysty. KASE keltirilgen qolaisyzdyqtar úshin keshirim suraidy", - delingen habarlamada.
KASE-tiń basqa naryqtarynda saýda-sattyq shtattyq rejimde ótkiziledi.
Buǵan deiin Qazaqstan qor birjasy saýdany saǵat 12-ge qaldyrǵany týraly habarlaǵan edik.
Aita keteiik, saýda-sattyq málimetine qaraǵanda, dollar baǵamy 23 aqpan keshimen salystyrǵanda 15,23 teńgege ósken. Ulttyq banktiń 24 aqpandaǵy resmi baǵamy - 1 dollar úshin 437, 22 teńge.
Kurs.kz málimetinshe, búginde Almatydaǵy aqsha aiyrbastaý pýnkterinde dollar 460 teńgeden satylsa, satyp alý – 465 teńge.
