قازاقستان قور بيرجاسىندا (KASE) ساۋدا ۋاقىتى تاعى دا كەيٸنگە شەگەرٸلدٸ, - دەپ حابارلايدى "ۇلت اقپارات" بيرجانىڭ باسپاسٶز قىزمەتٸنە سٸلتەمە جاساپ.
"تەحنيكالىق سەبەپتەر بويىنشا KASE قور نارىعىندا ساۋدا نۇر-سۇلتان ۋاقىتىمەن ساعات 14.00-گە اۋىستىرىلدى. ۋاقىتتىڭ ٶزگەرۋٸ KASE ساۋدا-كليرينگ جٷيەسٸ جۇمىسىنداعى تەحنيكالىق ٸركٸلٸسكە بايلانىستى. KASE كەلتٸرٸلگەن قولايسىزدىقتار ٷشٸن كەشٸرٸم سۇرايدى", - دەلٸنگەن حابارلامادا.
KASE-تٸڭ باسقا نارىقتارىندا ساۋدا-ساتتىق شتاتتىق رەجيمدە ٶتكٸزٸلەدٸ.
بۇعان دەيٸن قازاقستان قور بيرجاسى ساۋدانى ساعات 12-گە قالدىرعانى تۋرالى حابارلاعان ەدٸك.
ايتا كەتەيٸك, ساۋدا-ساتتىق مەلٸمەتٸنە قاراعاندا, دوللار باعامى 23 اقپان كەشٸمەن سالىستىرعاندا 15,23 تەڭگەگە ٶسكەن. ۇلتتىق بانكتٸڭ 24 اقپانداعى رەسمي باعامى - 1 دوللار ٷشٸن 437, 22 تەڭگە.
Kurs.kz مەلٸمەتٸنشە, بٷگٸندە الماتىداعى اقشا ايىرباستاۋ پۋنكتەرٸندە دوللار 460 تەڭگەدەن ساتىلسا, ساتىپ الۋ – 465 تەڭگە.
