«Qazaqstan halqyna» qoryna túsken qarjy 7 qazaqstandyq bankte saqtalady. Qarjy nelikten 7 bankte saqtalady? Bul suraqqa qor basshysy Bolat Jámishev «Oshakbaev LIVE» telebaǵdarlamasynyń efirinde jaýap berdi, dep habarlaidy QazAqparat.
«Qorǵa túsken qarjy 7 bankte bolady. Barlyǵy da - otandyq bankter. Iaǵni, qaiyrymdylyq jasaǵan adam nemese uiym qarjyny qai bank arqyly jiberedi, aqsha sol bankte bolady. Qor ashyla sala alǵashqy qarjy Halyk Bank arqyly tústi. Odan keiin kaspi.kz jáne taǵy 5 bankke qaiyrymdylyq qarjysy túse bastady. Qarjyǵa biz jaýapty bolǵandyqtan, halyq senimine kirgen, nesie júiesi oń jolǵa qoiylǵan bankter tańdaldy. Odan ári otandyq iri kásiporyndarmen tikelei jumys isteitin bolamyz. Al orta jáne shaǵyn kásiporyndarmen «Atameken» ulttyq kásipkerler palatasy arqyly memorandým jasaimyz», - dedi Jámishev.
Sondai-aq, qor basshysy qatysýshylar keńesiniń qurylatynyn alǵa tartty. Ol keńeste qarjynyń qanshalyqtyń tiimdi jumsalyp jatqany qaralady.
«Kóleńkeli tabysqa kenelip júrgender qorǵa qarjy aýdarsyn degen usynystardy estip jatyrmyn. Qarjy halyq igiligine jumsalady. Sondyqtan qorǵa adal jolmen tapqan tabystyń túskenin qalaimyz. Men úshin qaiyrymdylyq qarajattyń qaida jumsalatyny óte mańyzdy», - deidi ol.
Odan bólek, Bolat Jámishev óziniń qor tóraǵasy bolyp taǵaiyndalýyna qatysty biraýyz pikir bildirdi.
«Meni tóraǵa etip qordyń qamqorshylyq keńesi músheleri sailady», - dep qysqa qaiyrdy.
