«قازاقستان حالقىنا» قورىنا تٷسكەن قارجى 7 قازاقستاندىق بانكتە ساقتالادى. قارجى نەلٸكتەن 7 بانكتە ساقتالادى? بۇل سۇراققا قور باسشىسى بولات جەمٸشەۆ «وشاكباەۆ LIVE» تەلەباعدارلاماسىنىڭ ەفيرٸندە جاۋاپ بەردٸ, دەپ حابارلايدى قازاقپارات.
«قورعا تٷسكەن قارجى 7 بانكتە بولادى. بارلىعى دا - وتاندىق بانكتەر. ياعني, قايىرىمدىلىق جاساعان ادام نەمەسە ۇيىم قارجىنى قاي بانك ارقىلى جٸبەرەدٸ, اقشا سول بانكتە بولادى. قور اشىلا سالا العاشقى قارجى Halyk Bank ارقىلى تٷستٸ. ودان كەيٸن kaspi.kz جەنە تاعى 5 بانككە قايىرىمدىلىق قارجىسى تٷسە باستادى. قارجىعا بٸز جاۋاپتى بولعاندىقتان, حالىق سەنٸمٸنە كٸرگەن, نەسيە جٷيەسٸ وڭ جولعا قويىلعان بانكتەر تاڭدالدى. ودان ەرٸ وتاندىق ٸرٸ كەسٸپورىندارمەن تٸكەلەي جۇمىس ٸستەيتٸن بولامىز. ال ورتا جەنە شاعىن كەسٸپورىندارمەن «اتامەكەن» ۇلتتىق كەسٸپكەرلەر پالاتاسى ارقىلى مەموراندۋم جاسايمىز», - دەدٸ جەمٸشەۆ.
سونداي-اق, قور باسشىسى قاتىسۋشىلار كەڭەسٸنٸڭ قۇرىلاتىنىن العا تارتتى. ول كەڭەستە قارجىنىڭ قانشالىقتىڭ تيٸمدٸ جۇمسالىپ جاتقانى قارالادى.
«كٶلەڭكەلٸ تابىسقا كەنەلٸپ جٷرگەندەر قورعا قارجى اۋدارسىن دەگەن ۇسىنىستاردى ەستٸپ جاتىرمىن. قارجى حالىق يگٸلٸگٸنە جۇمسالادى. سوندىقتان قورعا ادال جولمەن تاپقان تابىستىڭ تٷسكەنٸن قالايمىز. مەن ٷشٸن قايىرىمدىلىق قاراجاتتىڭ قايدا جۇمسالاتىنى ٶتە ماڭىزدى», - دەيدٸ ول.
ودان بٶلەك, بولات جەمٸشەۆ ٶزٸنٸڭ قور تٶراعاسى بولىپ تاعايىندالۋىنا قاتىستى بٸراۋىز پٸكٸر بٸلدٸردٸ.
«مەنٸ تٶراعا ەتٸپ قوردىڭ قامقورشىلىق كەڭەسٸ مٷشەلەرٸ سايلادى», - دەپ قىسقا قايىردى.
