«Qazaqstan halqyna» qory bastamalary onlain qoljetimdi bolady, dep habarlaidy QazAqparat.
Almatyapat Telegram-kanalynda jariialanǵan aqparatqa qaraǵanda, «Qazaqstan halqyna» qorynyń tóraǵasy Bolat Jámishev «Ulttyq múdde» telejobasyna bergen suhbatynda qor men qoǵamdastyqtyń ózara is-qimyl tetikterin jan-jaqty tarqata aityp berdi.
Onyń atap ótýinshe, taiaý ýaqytta qordan birinshi bolyp kómek alatyn jobalar men adamdardyń tizimi halyqqa jariia etiletin bolady.
«Bastama paida bolǵan alańdar boiynsha – halyq bizdiń durys istep jatqanymyzǵa nemese basqa sheshim qabyldaý qajettigimizge qatysty óz oilaryn bildirsin. Biz mundai usynystarǵa sózsiz qulaq asatyn bolamyz», - dedi Bolat Jámishev.
Esterińizge sala keteiik, Memleket basshysy Qasym-Jomart Toqaevtyń tapsyrmasy boiynsha «Qazaqstan halqyna» qoǵamdyq áleýmettik qory (QÁQ) quryldy.
Búginge deiin qorǵa 52 milliard teńgeden astam qarjy tústi. Qor jylyna keminde 100 mlrd teńge kóleminde aqsha qarajatyn shoǵyrlandyrady dep josparlanýda.
