«قازاقستان حالقىنا» قورى باستامالارى ونلاين قولجەتٸمدٸ بولادى, دەپ حابارلايدى قازاقپارات.
Almatyapat Telegram-كانالىندا جارييالانعان اقپاراتقا قاراعاندا, «قازاقستان حالقىنا» قورىنىڭ تٶراعاسى بولات جەمٸشەۆ «ۇلتتىق مٷددە» تەلەجوباسىنا بەرگەن سۇحباتىندا قور مەن قوعامداستىقتىڭ ٶزارا ٸس-قيمىل تەتٸكتەرٸن جان-جاقتى تارقاتا ايتىپ بەردٸ.
ونىڭ اتاپ ٶتۋٸنشە, تاياۋ ۋاقىتتا قوردان بٸرٸنشٸ بولىپ كٶمەك الاتىن جوبالار مەن ادامداردىڭ تٸزٸمٸ حالىققا جارييا ەتٸلەتٸن بولادى.
«باستاما پايدا بولعان الاڭدار بويىنشا – حالىق بٸزدٸڭ دۇرىس ٸستەپ جاتقانىمىزعا نەمەسە باسقا شەشٸم قابىلداۋ قاجەتتٸگٸمٸزگە قاتىستى ٶز ويلارىن بٸلدٸرسٸن. بٸز مۇنداي ۇسىنىستارعا سٶزسٸز قۇلاق اساتىن بولامىز», - دەدٸ بولات جەمٸشەۆ.
ەستەرٸڭٸزگە سالا كەتەيٸك, مەملەكەت باسشىسى قاسىم-جومارت توقاەۆتىڭ تاپسىرماسى بويىنشا «قازاقستان حالقىنا» قوعامدىق ەلەۋمەتتٸك قورى (قەق) قۇرىلدى.
بٷگٸنگە دەيٸن قورعا 52 ميلليارد تەڭگەدەن استام قارجى تٷستٸ. قور جىلىنا كەمٸندە 100 ملرد تەڭگە كٶلەمٸندە اقشا قاراجاتىن شوعىرلاندىرادى دەپ جوسپارلانۋدا.
