QR Prezidenti Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» atty
Qazaqstan halqyna Joldaýyn qoldaý týraly
Qazaqstan halqy Assambleiasynyń
úndeýi
Qurmetti otandastar!
Búgin Prezident Nursultan Ábishuly Nazarbaevtyń Qazaqstan halqyna asa mańyzdy Joldaýy jariialandy.
Memleket basshysy kún tártibine Qazaqstannyń úshinshi jańǵyrýy jóninde mindet qoidy. Maqsaty - eldiń jahandyq básekege qabilettilikti qamtamasyz etý, ekonomikalyq ósimniń jańa modelin qurý.
Memleket basshysy, «bul jańǵyrý – qazirgi jahandyq syn-qaterlermen kúres jospary emes, «100 naqty qadam» Ult jospary negizinde «Qazaqstan-2050» strategiiasynyń maqsattaryna, bolashaqqa bastaityn senimdi kópir» - dedi.
Prezidenttiń Joldaýy Qazaqstannyń árbir azamatynyń ómir sapasyn arttyratyny sózsiz!
Prezident Úshinshi jańǵyrýdyń negizgi bes basymdyǵyn aiqyndap berdi - ekonomikanyń jedeldetilgen tehnologiialyq jańǵyrýy; dástúrli bazalyq salalardy damytýǵa serpin berý; eńbek naryǵyn jańǵyrtý, makroekonomikalyq turaqtylyq; adami kapital sapasyn jaqsartý; institýtsionaldyq ózgerister, qaýipsizdik jáne sybailas jemqorlyqpen kúres.
Bul basymdyqtar ekonomikanyń álemdik ósiminiń orta deńgeiden joǵary qarqynyn qamtamasyz etýge jáne 30 ozyq eldiń qataryna qarai ilgerileýdi qamtamasyz etedi.
Bul maqsattarǵa jetý úshin «Qazaqstannyń ulttyq tehnologiialyq bastamasy» dep atalatyn 2025 jylǵa deiingi damýdyń strategiialyq aýqymdy jospary ázirlenedi.
Halyqtyń turmysyna «Tsifrlyq Qazaqstan», IT-startaptardyń halyqaralyq tehnoparki siiaqty innovatsiialar qoldanysqa engiziledi.
Úkimettiń aldyna 2025 jylǵa qarai shikizattyq emes eksportty 2 esege ulǵaitý mindeti qoiyldy.
Qazaqstannyń agroónerkásibi Eýraziia kontinentiniń «nan kárzeńkesine» ainalady, 5 jyl ishinde 500 myńnan astam jeke úi sharýashylyqtary men shaǵyn fermerler kooperativterge biriktiriledi, sýarmaly egis alańdary 5 jyl ishinde 40%-ǵa artyp, 2 million gektarǵa jetedi.
Eńbek naryǵy jańǵyrtylyp, jumys kúshi artyq óńirlerden basqa jerlerge, sondai-aq, aýyldardan qalalarǵa jumys kúshin utymdy tartýǵa qoldaý kórsetiledi.
Biznes-ortany túbegeili jaqsartý jáne keńeitý júzege asyrylady, eldiń ishki jalpy ónimindegi shaǵyn jáne orta biznestiń úlesi 2050 jylǵa qarai kem degende 50% bolýy qamtamasyz etiledi, Nátijeli jumyspen qamtý jáne jappai kásipkerlikti damytý baǵdarlamasy iske asyrylady.
Memlekettiń ekonomikadaǵy úlesi ishki jalpy ónimniń 15%-yna deiin, Ekonomikalyq yntymaqtastyq jáne damý uiymy (EYDU) elderi deńgeiine deiin tómendetiledi, «Samuryq-Qazyna» holdingin sapaly túrde transformatsiialaý isi júzege asyrylady, memleket-jekemenshik seriktestigi aiasyn keńeitýge zor múmkindik beriledi.
Bilim berý adami kapitaldyń sapasyn jaqsartý aiasynda ekonomikalyq ósýdiń jańa modeliniń ortalyq býynyna ainalady, «Barshaǵa arnalǵan tegin kásiptik-tehnikalyq bilim berý» jobasy iske asyryla bastady.
Úsh tildi qoǵamnyń negizgi irgetasy retinde memlekettik tildi damytýǵa tyń serpin beriledi.
Áleýmettik qamsyzdandyrý salasynda 2,1 million zeinetker úshin zeinetaqy 20%-ǵa deiin, al 2018 jyldan bastap bazalyq zeinetaqy 1,8 esege artady, sondai-aq bala týylǵanda beriletin bir rettik járdemaqy kólemi 20%-ǵa ósedi, eń tómengi kúnkóris shegi de qaita qarastyrylady, densaýlyq saqtaýdyń jańa modeli engiziledi.
Qazaqstan halqynyń qaýipsizdigin qamtamasyz etý úshin, Dini ekstremizm men terrorizmge qarsy áreket jónindegi 2017-2020 jyldarǵa arnalǵan jańa Memlekettik baǵdarlama daiyndalady, «Qazaqstan kiberqalqany» júiesi qalyptastyrylady.
Memleket basshysy Qazaqstannyń jas, kóp ultty, bolashaǵyna senimdi jáne qarqyndy damyp kele jatqan memleket ekenin, bizdiń basty kúshimiz – birlikte ekenin erekshe atap ótti!
Qazaqstan halqy Assambleiasy Qazaqstandy úshinshi jańǵyrtý ideiasyn tolyq qoldaidy!
Biz únemi alǵa jylji otyryp, uly maqsattardy iske asyra otyryp, Máńgilik Eldiń berik irgetasyn birge qalaimyz!
Bolashaǵy birtutas el - bizdiń maqsattarymyzdyń, qundylyqtarymyzdyń birligimen, qoǵamdyq kelisimniń kúshimen qalyptasady.
Qazaqstannyń úshinshi jańǵyrýy saiasi konstitýtsiialyq reformanyń qisyndy jalǵasy bolyp tabylady, eldi demokratiialandyrýdyń senimdi irgetasy, memlekettiń, qoǵamnyń, Qazaqstannyń kópultty halqynyń jahandyq tarihi aýqymdaǵy ekonomikalyq jáne saiasi damýyn sinhrondaidy.
Úshinshi jańǵyrý – Qazaqstan damýynyń aldyńǵy onjyldyqtarǵa arnalǵan baǵdarlamasy, bul qazaqstandyq biregeilik pen birlikti nyǵaitý men damytýdyń ekonomikalyq jáne áleýmettik algoritmi.
Turaqtylyq, birlik jáne kelisim - Qazaqstannyń damýynyń negizi, Úshinshi jańǵyrýdyń negizi.
Qazaqstan halqy Assambleiasy Uly Dala Eliniń barsha halqyn Qazaqstannyń Úshinshi jańǵyrýynyń biryńǵai áleýmettik draiveri bolýǵa shaqyrady.
Bizdiń ortaq jetistigimiz - ár azamattyń kúsh-jigerine, joǵary azamattyq boryshy men jaýapkershiligine bailanysty.
Biz, Qazaqstan halqyn, bizdiń birligimizdi, bizdiń ortaq azamattyq bastaýlarymyzdy jáne bizdiń asyl qasietterimiz - jaýapkershilik, eńbekqorlyq, senim, ashyqtyq jáne óz kúshimizge degen senimdilikti nyǵaitýǵa shaqyramyz.
Bizdiń balalarymyz úshin, birtutas bolashaǵymyz, halqymyzdyń ósip-órkendeýi men baqyty úshin qajetti Úshinshi jańǵyrtý baǵdarlamasynda árbir azamat óz ornyn tabatyny sózsiz.
Alǵa, Qazaqstan!
Qazaqstan halqy Assambleiasynyń Keńesi,
2017 jylǵy 31 qańtar, Astana q.
.jpeg)