قازاقستان حالقى اسسامبلەياسى قازاقستاندى ٷشٸنشٸ جاڭعىرتۋ يدەياسىن قولدايدى

قر پرەزيدەنتٸ نۇرسۇلتان نازارباەۆتىڭ «قازاقستاننىڭ ٷشٸنشٸ جاڭعىرۋى: جاھاندىق بەسەكەگە قابٸلەتتٸلٸك» اتتى

قازاقستان حالقىنا جولداۋىن قولداۋ تۋرالى

قازاقستان حالقى اسسامبلەياسىنىڭ

ٷندەۋٸ

قۇرمەتتٸ وتانداستار!

بٷگٸن پرەزيدەنت نۇرسۇلتان ەبٸشۇلى نازارباەۆتىڭ قازاقستان حالقىنا اسا ماڭىزدى جولداۋى جارييالاندى.

مەملەكەت باسشىسى كٷن تەرتٸبٸنە قازاقستاننىڭ ٷشٸنشٸ جاڭعىرۋى جٶنٸندە مٸندەت قويدى. ماقساتى - ەلدٸڭ جاھاندىق بەسەكەگە قابٸلەتتٸلٸكتٸ قامتاماسىز ەتۋ, ەكونوميكالىق ٶسٸمنٸڭ جاڭا مودەلٸن قۇرۋ.

مەملەكەت باسشىسى, «بۇل جاڭعىرۋ – قازٸرگٸ جاھاندىق سىن-قاتەرلەرمەن كٷرەس جوسپارى ەمەس, «100 ناقتى قادام» ۇلت جوسپارى نەگٸزٸندە «قازاقستان-2050» ستراتەگيياسىنىڭ ماقساتتارىنا, بولاشاققا باستايتىن سەنٸمدٸ كٶپٸر» - دەدٸ.

پرەزيدەنتتٸڭ جولداۋى قازاقستاننىڭ ەربٸر ازاماتىنىڭ ٶمٸر ساپاسىن ارتتىراتىنى سٶزسٸز!

پرەزيدەنت ٷشٸنشٸ جاڭعىرۋدىڭ نەگٸزگٸ بەس باسىمدىعىن ايقىنداپ بەردٸ - ەكونوميكانىڭ جەدەلدەتٸلگەن تەحنولوگييالىق جاڭعىرۋى; دەستٷرلٸ بازالىق سالالاردى دامىتۋعا سەرپٸن بەرۋ; ەڭبەك نارىعىن جاڭعىرتۋ, ماكروەكونوميكالىق تۇراقتىلىق; ادامي كاپيتال ساپاسىن جاقسارتۋ; ينستيتۋتسيونالدىق ٶزگەرٸستەر, قاۋٸپسٸزدٸك جەنە سىبايلاس جەمقورلىقپەن كٷرەس.

بۇل باسىمدىقتار ەكونوميكانىڭ ەلەمدٸك ٶسٸمٸنٸڭ ورتا دەڭگەيدەن جوعارى قارقىنىن قامتاماسىز ەتۋگە جەنە 30 وزىق ەلدٸڭ قاتارىنا قاراي ٸلگەرٸلەۋدٸ قامتاماسىز ەتەدٸ. 

بۇل ماقساتتارعا جەتۋ ٷشٸن «قازاقستاننىڭ ۇلتتىق تەحنولوگييالىق باستاماسى» دەپ اتالاتىن 2025 جىلعا دەيٸنگٸ دامۋدىڭ ستراتەگييالىق اۋقىمدى جوسپارى ەزٸرلەنەدٸ.

 حالىقتىڭ تۇرمىسىنا «تسيفرلىق قازاقستان», IT-ستارتاپتاردىڭ حالىقارالىق تەحنوپاركٸ  سيياقتى يننوۆاتسييالار قولدانىسقا ەنگٸزٸلەدٸ.   

ٷكٸمەتتٸڭ الدىنا 2025 جىلعا قاراي شيكٸزاتتىق ەمەس ەكسپورتتى 2 ەسەگە ۇلعايتۋ مٸندەتٸ قويىلدى.

قازاقستاننىڭ اگروٶنەركەسٸبٸ ەۋرازييا كونتينەنتٸنٸڭ «نان كەرزەڭكەسٸنە» اينالادى, 5 جىل ٸشٸندە 500 مىڭنان استام جەكە ٷي شارۋاشىلىقتارى مەن شاعىن فەرمەرلەر كووپەراتيۆتەرگە بٸرٸكتٸرٸلەدٸ, سۋارمالى ەگٸس الاڭدارى 5 جىل ٸشٸندە 40%-عا ارتىپ, 2 ميلليون گەكتارعا جەتەدٸ.

ەڭبەك نارىعى جاڭعىرتىلىپ, جۇمىس كٷشٸ ارتىق ٶڭٸرلەردەن باسقا جەرلەرگە, سونداي-اق, اۋىلداردان قالالارعا جۇمىس كٷشٸن ۇتىمدى تارتۋعا قولداۋ كٶرسەتٸلەدٸ.

بيزنەس-ورتانى تٷبەگەيلٸ جاقسارتۋ جەنە كەڭەيتۋ جٷزەگە اسىرىلادى, ەلدٸڭ ٸشكٸ جالپى ٶنٸمٸندەگٸ شاعىن جەنە ورتا بيزنەستٸڭ ٷلەسٸ 2050 جىلعا قاراي كەم دەگەندە 50% بولۋى قامتاماسىز ەتٸلەدٸ, نەتيجەلٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋ باعدارلاماسى ٸسكە اسىرىلادى. 

مەملەكەتتٸڭ ەكونوميكاداعى ٷلەسٸ ٸشكٸ جالپى ٶنٸمنٸڭ 15%-ىنا دەيٸن, ەكونوميكالىق ىنتىماقتاستىق جەنە دامۋ ۇيىمى (ەىدۇ) ەلدەرٸ دەڭگەيٸنە دەيٸن تٶمەندەتٸلەدٸ, «سامۇرىق-قازىنا» حولدينگٸن ساپالى تٷردە ترانسفورماتسييالاۋ ٸسٸ جٷزەگە اسىرىلادى, مەملەكەت-جەكەمەنشٸك سەرٸكتەستٸگٸ اياسىن كەڭەيتۋگە زور مٷمكٸندٸك بەرٸلەدٸ.  

بٸلٸم بەرۋ ادامي كاپيتالدىڭ ساپاسىن جاقسارتۋ اياسىندا ەكونوميكالىق ٶسۋدٸڭ جاڭا مودەلٸنٸڭ ورتالىق بۋىنىنا اينالادى, «بارشاعا ارنالعان تەگٸن كەسٸپتٸك-تەحنيكالىق بٸلٸم بەرۋ» جوباسى ٸسكە اسىرىلا باستادى.

ٷش تٸلدٸ قوعامنىڭ نەگٸزگٸ ٸرگەتاسى رەتٸندە مەملەكەتتٸك تٸلدٸ دامىتۋعا تىڭ سەرپٸن بەرٸلەدٸ.

ەلەۋمەتتٸك قامسىزداندىرۋ سالاسىندا 2,1 ميلليون زەينەتكەر ٷشٸن زەينەتاقى 20%-عا دەيٸن, ال 2018 جىلدان باستاپ بازالىق زەينەتاقى 1,8 ەسەگە ارتادى, سونداي-اق بالا تۋىلعاندا بەرٸلەتٸن بٸر رەتتٸك جەردەماقى كٶلەمٸ 20%-عا ٶسەدٸ, ەڭ تٶمەنگٸ كٷنكٶرٸس شەگٸ دە قايتا قاراستىرىلادى, دەنساۋلىق ساقتاۋدىڭ جاڭا مودەلٸ ەنگٸزٸلەدٸ.

قازاقستان حالقىنىڭ قاۋٸپسٸزدٸگٸن قامتاماسىز ەتۋ ٷشٸن, دٸني ەكسترەميزم مەن تەرروريزمگە قارسى ەرەكەت جٶنٸندەگٸ 2017-2020 جىلدارعا ارنالعان جاڭا مەملەكەتتٸك باعدارلاما دايىندالادى, «قازاقستان كيبەرقالقانى» جٷيەسٸ قالىپتاستىرىلادى.

مەملەكەت باسشىسى قازاقستاننىڭ جاس, كٶپ ۇلتتى, بولاشاعىنا سەنٸمدٸ جەنە قارقىندى دامىپ كەلە جاتقان مەملەكەت ەكەنٸن, بٸزدٸڭ باستى كٷشٸمٸز – بٸرلٸكتە ەكەنٸن ەرەكشە اتاپ ٶتتٸ!

قازاقستان حالقى اسسامبلەياسى قازاقستاندى ٷشٸنشٸ جاڭعىرتۋ يدەياسىن تولىق قولدايدى!

بٸز ٷنەمٸ العا جىلجي وتىرىپ, ۇلى ماقساتتاردى ٸسكە اسىرا وتىرىپ, مەڭگٸلٸك ەلدٸڭ بەرٸك ٸرگەتاسىن  بٸرگە قالايمىز!

بولاشاعى بٸرتۇتاس ەل - بٸزدٸڭ ماقساتتارىمىزدىڭ, قۇندىلىقتارىمىزدىڭ بٸرلٸگٸمەن,  قوعامدىق كەلٸسٸمنٸڭ كٷشٸمەن قالىپتاسادى.

قازاقستاننىڭ ٷشٸنشٸ جاڭعىرۋى ساياسي كونستيتۋتسييالىق رەفورمانىڭ قيسىندى جالعاسى بولىپ تابىلادى, ەلدٸ دەموكراتييالاندىرۋدىڭ سەنٸمدٸ ٸرگەتاسى, مەملەكەتتٸڭ, قوعامنىڭ, قازاقستاننىڭ كٶپۇلتتى حالقىنىڭ جاھاندىق تاريحي اۋقىمداعى ەكونوميكالىق جەنە ساياسي دامۋىن سينحروندايدى.

ٷشٸنشٸ جاڭعىرۋ – قازاقستان دامۋىنىڭ الدىڭعى ونجىلدىقتارعا ارنالعان باعدارلاماسى, بۇل قازاقستاندىق بٸرەگەيلٸك پەن بٸرلٸكتٸ نىعايتۋ مەن دامىتۋدىڭ ەكونوميكالىق جەنە ەلەۋمەتتٸك الگوريتمٸ.

تۇراقتىلىق, بٸرلٸك جەنە كەلٸسٸم - قازاقستاننىڭ دامۋىنىڭ نەگٸزٸ, ٷشٸنشٸ جاڭعىرۋدىڭ نەگٸزٸ.

قازاقستان حالقى اسسامبلەياسى ۇلى دالا ەلٸنٸڭ بارشا حالقىن قازاقستاننىڭ ٷشٸنشٸ جاڭعىرۋىنىڭ بٸرىڭعاي ەلەۋمەتتٸك درايۆەرٸ بولۋعا شاقىرادى.

بٸزدٸڭ ورتاق جەتٸستٸگٸمٸز - ەر ازاماتتىڭ  كٷش-جٸگەرٸنە, جوعارى ازاماتتىق بورىشى مەن جاۋاپكەرشٸلٸگٸنە بايلانىستى.

بٸز, قازاقستان حالقىن, بٸزدٸڭ بٸرلٸگٸمٸزدٸ, بٸزدٸڭ ورتاق ازاماتتىق باستاۋلارىمىزدى جەنە بٸزدٸڭ اسىل قاسيەتتەرٸمٸز - جاۋاپكەرشٸلٸك, ەڭبەكقورلىق, سەنٸم, اشىقتىق جەنە ٶز كٷشٸمٸزگە دەگەن سەنٸمدٸلٸكتٸ نىعايتۋعا شاقىرامىز.

بٸزدٸڭ بالالارىمىز ٷشٸن, بٸرتۇتاس بولاشاعىمىز, حالقىمىزدىڭ ٶسٸپ-ٶركەندەۋٸ مەن باقىتى ٷشٸن قاجەتتٸ ٷشٸنشٸ جاڭعىرتۋ باعدارلاماسىندا ەربٸر ازامات ٶز ورنىن تاباتىنى سٶزسٸز.

العا, قازاقستان!

قازاقستان حالقى اسسامبلەياسىنىڭ كەڭەسٸ,

2017 جىلعى 31 قاڭتار, استانا ق.

ۇلت پورتالى