Qazaqstan halqynyń sany 2018 jylǵy 1 shildede 18 mln 272,4 myń adamdy qurady. Ósim 2017 jyldyń 1 shildesimen salystyrǵanda 238 myń adam nemese 1,3 paiyzdy qurady, dep habarlaidy "Ult aqparat" Statistika komitetine silteme jasap.
Qala turǵyndarynyń jalpy sany 10 mln 529,1 myń adamǵa jetip, jalpy halyq sanynyń 57,6 paiyzyn qurady. Qazaqstanda 7 mln 743,3 myń adam (42,4 paiyz) aýyldyq jerlerde turady.
Ústimizdegi jyldyń qańtar-maýsym ailarynda 1 jasqa deiingi 1626 sábi shetinegen (ótken jyldyń osy kezeńinde - 1605). 2018 jyldyń alǵashqy jartysynda sábi óliminiń koeffitsienti 1000 sábige 8,44-ti qurady.
Sábi óliminiń basty sebebi perinataldyq kezeńde týyndaityn jaǵdailar bolyp otyr. Osy alty aida 782 sábi shetinegen (byltyrǵy kórsetkish - 793). Budan bólek týma aýytqýlar (328), tynys alý joldarynyń aýrýlary (124) jáne jazataiym oqiǵalar (73) da sábi ólimine sebepshi bolýda.
2018 jyldyń qańtar-maýsym ailarynda Qazaqstanǵa kelýshilerdiń sany 2017 jyldyń osy kezeńimen salystyrǵanda 26,5 paiyzǵa qysqaryp, ketýshilerdiń sany 14 paiyzǵa artty. TMD elderinen kelgenderdiń sany jalpy kórsetkishtiń 77,2 paiyzyn, al dostastyq elderine ketkenderdiń sany 89,7 paiyzyn qurady.
El ishindegi kóshi-qon kórsetkishi 15 paiyzǵa qysqardy. Óńiraralyq kóshi-qonnyń oń saldosy elimizdiń bes óńirinde - Shymkent (43 493 adam), Almaty (16 943), Astana (5073) qalalarynda jáne Mańǵystaý (601), Atyraý (34) oblystarynda baiqaldy
.jpeg)