قازاقستان حالقىنىڭ سانى 2018 جىلعى 1 شٸلدەدە 18 ملن 272,4 مىڭ ادامدى قۇرادى. ٶسٸم 2017 جىلدىڭ 1 شٸلدەسٸمەن سالىستىرعاندا 238 مىڭ ادام نەمەسە 1,3 پايىزدى قۇرادى, دەپ حابارلايدى "ۇلت اقپارات" ستاتيستيكا كوميتەتٸنە سٸلتەمە جاساپ.
قالا تۇرعىندارىنىڭ جالپى سانى 10 ملن 529,1 مىڭ ادامعا جەتٸپ, جالپى حالىق سانىنىڭ 57,6 پايىزىن قۇرادى. قازاقستاندا 7 ملن 743,3 مىڭ ادام (42,4 پايىز) اۋىلدىق جەرلەردە تۇرادى.
ٷستٸمٸزدەگٸ جىلدىڭ قاڭتار-ماۋسىم ايلارىندا 1 جاسقا دەيٸنگٸ 1626 سەبي شەتٸنەگەن (ٶتكەن جىلدىڭ وسى كەزەڭٸندە - 1605). 2018 جىلدىڭ العاشقى جارتىسىندا سەبي ٶلٸمٸنٸڭ كوەففيتسيەنتٸ 1000 سەبيگە 8,44-تٸ قۇرادى.
سەبي ٶلٸمٸنٸڭ باستى سەبەبٸ پەريناتالدىق كەزەڭدە تۋىندايتىن جاعدايلار بولىپ وتىر. وسى التى ايدا 782 سەبي شەتٸنەگەن (بىلتىرعى كٶرسەتكٸش - 793). بۇدان بٶلەك تۋما اۋىتقۋلار (328), تىنىس الۋ جولدارىنىڭ اۋرۋلارى (124) جەنە جازاتايىم وقيعالار (73) دا سەبي ٶلٸمٸنە سەبەپشٸ بولۋدا.
2018 جىلدىڭ قاڭتار-ماۋسىم ايلارىندا قازاقستانعا كەلۋشٸلەردٸڭ سانى 2017 جىلدىڭ وسى كەزەڭٸمەن سالىستىرعاندا 26,5 پايىزعا قىسقارىپ, كەتۋشٸلەردٸڭ سانى 14 پايىزعا ارتتى. تمد ەلدەرٸنەن كەلگەندەردٸڭ سانى جالپى كٶرسەتكٸشتٸڭ 77,2 پايىزىن, ال دوستاستىق ەلدەرٸنە كەتكەندەردٸڭ سانى 89,7 پايىزىن قۇرادى.
ەل ٸشٸندەگٸ كٶشٸ-قون كٶرسەتكٸشٸ 15 پايىزعا قىسقاردى. ٶڭٸرارالىق كٶشٸ-قوننىڭ وڭ سالدوسى ەلٸمٸزدٸڭ بەس ٶڭٸرٸندە - شىمكەنت (43 493 ادام), الماتى (16 943), استانا (5073) قالالارىندا جەنە ماڭعىستاۋ (601), اتىراۋ (34) وبلىستارىندا بايقالدى
.jpeg)