Foto: QMG baspasóz qyzmeti
«QazTransOil» AQ («QazMunaiGaz» UK AQ enshiles kásiporny) 2023 jyldyń qorytyndysy boiynsha Germaniiaǵa 993 myń tonna Qazaqstan munaiyn jetkizdi, - dep habarlaidy "Ult aqparat" QMG baspasóz qyzmetine silteme jasap.
«2023 jyldyń qańtar-jeltoqsan ailarynda qazaqstandyq munaidy odan ári Germaniiaǵa jetkizý úshin «Transneft» JAQ magistraldyq munai qubyry júiesi arqyly «Adamova Zastava» munai jetkizý beketine qarai tasymaldaý kólemi 993 myń tonnany qurady.
Energetika ministrligi bekitken munai tasymaldaý kestesine sáikes, «QazTransOil» AQ 2024 jyldyń qańtarynda Germaniiaǵa odan ári jetkizý úshin 100 myń tonna qazaqstandyq munaidy tasymaldaýdy josparlap otyr» - delingen habarlamada.
Kompaniia málimetinshe, 2024 jyly «QazTransOil» AQ Germaniiaǵa jetkizý úshin «Transneft» JAQ magistraldyq munai qubyry júiesi arqyly «Adamova Zastava» munai jetkizý pýnktine 1,2 million tonnaǵa deiin qazaqstandyq munaidy jóneltýdi josparlap otyr.
Bul tranzit Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy 2002 jylǵy 7 maýsymdaǵy tiisti kelisim aiasynda júzege asyrylady.
Aita keteiik, «QazTransOil» AQ — magistraldyq munai qubyry boiynsha ulttyq operatory bolyp tabylady. «QazMunaiGaz» UK AQ tobyna kiredi. Uzyndyǵy 5,4 myń km ártaraptandyrylǵan magistraldyq munai qubyry jelisine ielik etedi.
