فوتو: قمگ باسپاسٶز قىزمەتٸ
«قازترانسويل» اق («قازمۇنايگاز» ۇك اق ەنشٸلەس كەسٸپورنى) 2023 جىلدىڭ قورىتىندىسى بويىنشا گەرمانيياعا 993 مىڭ توننا قازاقستان مۇنايىن جەتكٸزدٸ, - دەپ حابارلايدى "ۇلت اقپارات" قمگ باسپاسٶز قىزمەتٸنە سٸلتەمە جاساپ.
«2023 جىلدىڭ قاڭتار-جەلتوقسان ايلارىندا قازاقستاندىق مۇنايدى ودان ەرٸ گەرمانيياعا جەتكٸزۋ ٷشٸن «ترانسنەفت» جاق ماگيسترالدىق مۇناي قۇبىرى جٷيەسٸ ارقىلى «اداموۆا زاستاۆا» مۇناي جەتكٸزۋ بەكەتٸنە قاراي تاسىمالداۋ كٶلەمٸ 993 مىڭ توننانى قۇرادى.
ەنەرگەتيكا مينيسترلٸگٸ بەكٸتكەن مۇناي تاسىمالداۋ كەستەسٸنە سەيكەس, «قازترانسويل» اق 2024 جىلدىڭ قاڭتارىندا گەرمانيياعا ودان ەرٸ جەتكٸزۋ ٷشٸن 100 مىڭ توننا قازاقستاندىق مۇنايدى تاسىمالداۋدى جوسپارلاپ وتىر» - دەلٸنگەن حابارلامادا.
كومپانييا مەلٸمەتٸنشە, 2024 جىلى «قازترانسويل» اق گەرمانيياعا جەتكٸزۋ ٷشٸن «ترانسنەفت» جاق ماگيسترالدىق مۇناي قۇبىرى جٷيەسٸ ارقىلى «اداموۆا زاستاۆا» مۇناي جەتكٸزۋ پۋنكتٸنە 1,2 ميلليون تونناعا دەيٸن قازاقستاندىق مۇنايدى جٶنەلتۋدٸ جوسپارلاپ وتىر.
بۇل ترانزيت قازاقستان رەسپۋبليكاسىنىڭ ٷكٸمەتٸ مەن رەسەي فەدەراتسيياسىنىڭ ٷكٸمەتٸ اراسىنداعى 2002 جىلعى 7 ماۋسىمداعى تيٸستٸ كەلٸسٸم اياسىندا جٷزەگە اسىرىلادى.
ايتا كەتەيٸك, «قازترانسويل» اق — ماگيسترالدىق مۇناي قۇبىرى بويىنشا ۇلتتىق وپەراتورى بولىپ تابىلادى. «قازمۇنايگاز» ۇك اق توبىنا كٸرەدٸ. ۇزىندىعى 5,4 مىڭ كم ەرتاراپتاندىرىلعان ماگيسترالدىق مۇناي قۇبىرى جەلٸسٸنە يەلٸك ەتەدٸ.
