Qazaqstannyń Túrkiiadaǵy Elshisi Abzal Saparbekuly Túrkiianyń vitse-prezidenti Fýat Oktaimen kezdesý barysynda baýyrlas memleketter arasyndaǵy ekijaqty jáne kópjaqty strategiialyq yntymaqtastyq máselelerin talqylady. Bul týraly QR Syrtqy ister ministrliginen málim etti, dep habarlaidy "Ult aqparat".
Atap aitqanda taraptar Qazaqstan-Túrkiia úkimetaralyq ekonomikalyq komissiiasynyń 11-shi otyrysynda qol jetkizilgen ýaǵdalastyqtardyń oryndalý barysyn jáne komissiianyń kelesi kezdesýiniń merzimin sózetti.
«Sondai-aq, aldaǵy ýaqytta Túrkistanda ótedi dep josparlanǵan Túrkitildes memleketter basshylarynyń beiresmi Sammiti, eki eldiń ózara investitsiialyq yntymaqtastyǵyn arttyrý joldary, ekijaqty investitsiiany yntalandyrý úshin qosymsha mehanizmderdi qarastyrý jáne Qazaqstan men Túrkiia arasynda ózara esport-importtyq tiisti kelisimsharttardy pysyqtaý máseleleri kezdesýdiń basty taqyryptary boldy», - dedi QR SIM-nen.
Álemdik saýdanyń tómendeý úrdisine qaramastan, eki el basshylarynyń tyǵyz ári senimdi bailanystarynyń arqasynda saýda-ekonomikalyq jáne investitsiialyq qatynastar damýynyń oń dinamikada ekenin atap ótken A.Saparbekuly, biyl eki el yntymaqtastyǵy budan da jaqsy kórsetkishterge ie bolatyndyǵyna úmit bildirdi.
«F.Oktai baýyrlas elder arasyndaǵy saýda kólemin Memleket basshylary bekitken qysqa merzimde 5 mlrd AQSh dollary mejesine jetkizý boiynsha qarqyndy jumystardy jalǵastyrý mańyzyna basa nazar aýdardy.
Kezdesý nátijesinde Qazaqstan-Túrkiia úkimetaralyq ekonomikalyq komissiia ýaǵdalastyqtaryn jedel túrde iske asyrý maqsatynda jýyrda eki eldiń tiisti ministrlikteri arasynda videokezdesýler ótkizý josparlanýda», - delingen ministrlik aqparatynda.
Aita keteiik, 2020 jyldyń 11 aiynda eki el arasyndaǵy saýda ainalymy 2,8 mlrd AQSh dollaryn qurady. Qazaqstanǵa tartylǵan túrkiialyq investitsiia kólemi úshinshi toqsanda 282,5 mln AQSh dollaryna jetti.
