قازاقستاننىڭ تٷركيياداعى ەلشٸسٸ ابزال ساپاربەكۇلى تٷركييانىڭ ۆيتسە-پرەزيدەنتٸ فۋات وكتايمەن كەزدەسۋ بارىسىندا باۋىرلاس مەملەكەتتەر اراسىنداعى ەكٸجاقتى جەنە كٶپجاقتى ستراتەگييالىق ىنتىماقتاستىق مەسەلەلەرٸن تالقىلادى. بۇل تۋرالى قر سىرتقى ٸستەر مينيسترلٸگٸنەن مەلٸم ەتتٸ, دەپ حابارلايدى "ۇلت اقپارات".
اتاپ ايتقاندا تاراپتار قازاقستان-تٷركييا ٷكٸمەتارالىق ەكونوميكالىق كوميسسيياسىنىڭ 11-شٸ وتىرىسىندا قول جەتكٸزٸلگەن ۋاعدالاستىقتاردىڭ ورىندالۋ بارىسىن جەنە كوميسسييانىڭ كەلەسٸ كەزدەسۋٸنٸڭ مەرزٸمٸن سٶزەتتٸ.
«سونداي-اق, الداعى ۋاقىتتا تٷركٸستاندا ٶتەدٸ دەپ جوسپارلانعان تٷركٸتٸلدەس مەملەكەتتەر باسشىلارىنىڭ بەيرەسمي سامميتٸ, ەكٸ ەلدٸڭ ٶزارا ينۆەستيتسييالىق ىنتىماقتاستىعىن ارتتىرۋ جولدارى, ەكٸجاقتى ينۆەستيتسييانى ىنتالاندىرۋ ٷشٸن قوسىمشا مەحانيزمدەردٸ قاراستىرۋ جەنە قازاقستان مەن تٷركييا اراسىندا ٶزارا ەسپورت-يمپورتتىق تيٸستٸ كەلٸسٸمشارتتاردى پىسىقتاۋ مەسەلەلەرٸ كەزدەسۋدٸڭ باستى تاقىرىپتارى بولدى», - دەدٸ قر سٸم-نەن.
ەلەمدٸك ساۋدانىڭ تٶمەندەۋ ٷردٸسٸنە قاراماستان, ەكٸ ەل باسشىلارىنىڭ تىعىز ەرٸ سەنٸمدٸ بايلانىستارىنىڭ ارقاسىندا ساۋدا-ەكونوميكالىق جەنە ينۆەستيتسييالىق قاتىناستار دامۋىنىڭ وڭ ديناميكادا ەكەنٸن اتاپ ٶتكەن ا.ساپاربەكۇلى, بيىل ەكٸ ەل ىنتىماقتاستىعى بۇدان دا جاقسى كٶرسەتكٸشتەرگە يە بولاتىندىعىنا ٷمٸت بٸلدٸردٸ.
«ف.وكتاي باۋىرلاس ەلدەر اراسىنداعى ساۋدا كٶلەمٸن مەملەكەت باسشىلارى بەكٸتكەن قىسقا مەرزٸمدە 5 ملرد اقش دوللارى مەجەسٸنە جەتكٸزۋ بويىنشا قارقىندى جۇمىستاردى جالعاستىرۋ ماڭىزىنا باسا نازار اۋداردى.
كەزدەسۋ نەتيجەسٸندە قازاقستان-تٷركييا ٷكٸمەتارالىق ەكونوميكالىق كوميسسييا ۋاعدالاستىقتارىن جەدەل تٷردە ٸسكە اسىرۋ ماقساتىندا جۋىردا ەكٸ ەلدٸڭ تيٸستٸ مينيسترلٸكتەرٸ اراسىندا ۆيدەوكەزدەسۋلەر ٶتكٸزۋ جوسپارلانۋدا», - دەلٸنگەن مينيسترلٸك اقپاراتىندا.
ايتا كەتەيٸك, 2020 جىلدىڭ 11 ايىندا ەكٸ ەل اراسىنداعى ساۋدا اينالىمى 2,8 ملرد اقش دوللارىن قۇرادى. قازاقستانعا تارتىلعان تٷركييالىق ينۆەستيتسييا كٶلەمٸ ٷشٸنشٸ توقساندا 282,5 ملن اقش دوللارىنا جەتتٸ.
