The Washington Times basylymy Qazaqstan ekonomikasynyń qarqyndy ósip jatqany týraly maqala jariialady. Onda elimizde bilim deńgeii men syrtqy investitsiia kórsetkishi óte joǵary ekeni jazylǵan.
«Qazaqstan AQSh úshin Eýraziia júregindegi eń mańyzdy memleketterdiń biri. Qazaqstan - iri munai óndirýshi memleket. Resei men Qytai arasynda ornalasqan Qazaqstan teńizge tike shyǵa almaityn eń úlken memleketterdiń biri. Sonymen qatar Qazaqstannyń aýmaǵy men ekonomikasy Ortalyq Aziia memleketteriniń barlyǵyn birge alǵannan da úlken. Qazaqstan AQSh, Qytai, Eýroodaq, Resei men Ortalyq Aziia memlekettermen jaqsy saýda qatynasyn ornatqan», dep jazady basylym.
Sonymen qatar, maqalada táýelsizdik alǵannan keiini sońǵy otyz jylda Qazaqstan ekonomikasy bes ese óskeni aitylady.
«2000 - 2010 jyldar aralyǵynda memleket ekonomikasynyń ósimi óte joǵary boldy. Al aldaǵy bes jylda ekonomika 4 paiyz jyldamdyqpen ósip otyrady degen boljam bar. Qazaqstannyń syrtqy qaryzy Ishki jalpy ónimniń on paiyzynan tómen, al altyn qory 100 mlrd dollardan asady. Qazaqstanda tikelei shetel investitsiiasy men bilim kórsetkishi, sonymen qatar jan basyna shaqqandaǵy tabys kórsetkishi óte joǵary deńgeide. Sondai-aq, Qazaqstan Ekonomikalyq táýelsiz halyqaralyq indeksinde top 40 memleket qataryna kiredi. Iaǵni, bul memleket jahandyq básekege qabilettiligi, bizneske qolailyǵy men jahandyq kásipkerlik pen adam damýyna jaqsy jaǵdai jasaǵan», - delingen maqalada.
