The Washington Times باسىلىمى قازاقستان ەكونوميكاسىنىڭ قارقىندى ٶسٸپ جاتقانى تۋرالى ماقالا جارييالادى. وندا ەلٸمٸزدە بٸلٸم دەڭگەيٸ مەن سىرتقى ينۆەستيتسييا كٶرسەتكٸشٸ ٶتە جوعارى ەكەنٸ جازىلعان.
«قازاقستان اقش ٷشٸن ەۋرازييا جٷرەگٸندەگٸ ەڭ ماڭىزدى مەملەكەتتەردٸڭ بٸرٸ. قازاقستان - ٸرٸ مۇناي ٶندٸرۋشٸ مەملەكەت. رەسەي مەن قىتاي اراسىندا ورنالاسقان قازاقستان تەڭٸزگە تٸكە شىعا المايتىن ەڭ ٷلكەن مەملەكەتتەردٸڭ بٸرٸ. سونىمەن قاتار قازاقستاننىڭ اۋماعى مەن ەكونوميكاسى ورتالىق ازييا مەملەكەتتەرٸنٸڭ بارلىعىن بٸرگە العاننان دا ٷلكەن. قازاقستان اقش, قىتاي, ەۋرووداق, رەسەي مەن ورتالىق ازييا مەملەكەتتەرمەن جاقسى ساۋدا قاتىناسىن ورناتقان», دەپ جازادى باسىلىم.
سونىمەن قاتار, ماقالادا تەۋەلسٸزدٸك العاننان كەيٸنٸ سوڭعى وتىز جىلدا قازاقستان ەكونوميكاسى بەس ەسە ٶسكەنٸ ايتىلادى.
«2000 - 2010 جىلدار ارالىعىندا مەملەكەت ەكونوميكاسىنىڭ ٶسٸمٸ ٶتە جوعارى بولدى. ال الداعى بەس جىلدا ەكونوميكا 4 پايىز جىلدامدىقپەن ٶسٸپ وتىرادى دەگەن بولجام بار. قازاقستاننىڭ سىرتقى قارىزى ٸشكٸ جالپى ٶنٸمنٸڭ ون پايىزىنان تٶمەن, ال التىن قورى 100 ملرد دوللاردان اسادى. قازاقستاندا تٸكەلەي شەتەل ينۆەستيتسيياسى مەن بٸلٸم كٶرسەتكٸشٸ, سونىمەن قاتار جان باسىنا شاققانداعى تابىس كٶرسەتكٸشٸ ٶتە جوعارى دەڭگەيدە. سونداي-اق, قازاقستان ەكونوميكالىق تەۋەلسٸز حالىقارالىق يندەكسٸندە توپ 40 مەملەكەت قاتارىنا كٸرەدٸ. ياعني, بۇل مەملەكەت جاھاندىق بەسەكەگە قابٸلەتتٸلٸگٸ, بيزنەسكە قولايلىعى مەن جاھاندىق كەسٸپكەرلٸك پەن ادام دامۋىنا جاقسى جاعداي جاساعان», - دەلٸنگەن ماقالادا.
