Qazaqstan Dúniejúzilik bankpen 345,7 mln eýro somasyndaǵy qaryz týraly kelisimge resmi túrde qol qoidy, dep habarlaidy Ulysmedia.kz.
Kelisimge 24 tamyzda qol qoiyldy. Jiynǵa Dúniejúzilik banktiń Ortalyq Aziiadaǵy óńirlik direktory Tatiana Proskýriakova men Qazaqstan Respýblikasy Premer-Ministriniń orynbasary – Qarjy ministri Erulan Jamaýbaev qatysty. Taraptar jeke sektordyń básekege qabilettiligin arttyrý jáne Covid-19 pandemiiasynan keiin Qazaqstan ekonomikasynyń turaqty qalpyna kelýin qamtamasyz etý úshin 345,7 mln eýro somasyndaǵy qaryz týraly kelisimge resmi túrde qol qoidy.
"Qaryz baǵdarlamasy básekelestikti damytý salasyndaǵy, memlekettik satyp alýdaǵy, sybailas jemqorlyqqa qarsy kúrestegi reformalardy qoldaidy jáne aldaǵy ýaqytta ekonomikany tsifrlandyrý jáne qarjy sektoryn nyǵaitý úshin neǵurlym tiimdi jaǵdailar jasaýǵa yqpal etetin bolady.
Úkimettiń qaryz baǵdarlamasy sheńberindegi bastamalary energiia tiimdiligin arttyrýǵa, parniktik gazdar shyǵaryndylaryn azaitýǵa jáne jeke investitsiialardy belsendi tartý arqyly jańartylatyn energiia kózderin keńinen engizýge yqpal etedi.
Memlekettik institýttardyń eseptiligi men ashyqtyǵyn arttyrý Qazaqstan halqyn qoldaý jónindegi áleýmettik baǵdarlamalardy qarjylandyrý úshin biýdjet resýrstaryn tiimdi paidalanýǵa baǵyttalǵan", – delingen habarlamada.
