قازاقستان دٷنيەجٷزٸلٸك بانكپەن 345,7 ملن ەۋرو سوماسىنداعى قارىز تۋرالى كەلٸسٸمگە رەسمي تٷردە قول قويدى, دەپ حابارلايدى Ulysmedia.kz.
كەلٸسٸمگە 24 تامىزدا قول قويىلدى. جيىنعا دٷنيەجٷزٸلٸك بانكتٸڭ ورتالىق ازيياداعى ٶڭٸرلٸك ديرەكتورى تاتيانا پروسكۋرياكوۆا مەن قازاقستان رەسپۋبليكاسى پرەمەر-مينيسترٸنٸڭ ورىنباسارى – قارجى مينيسترٸ ەرۇلان جاماۋباەۆ قاتىستى. تاراپتار جەكە سەكتوردىڭ بەسەكەگە قابٸلەتتٸلٸگٸن ارتتىرۋ جەنە Covid-19 پاندەميياسىنان كەيٸن قازاقستان ەكونوميكاسىنىڭ تۇراقتى قالپىنا كەلۋٸن قامتاماسىز ەتۋ ٷشٸن 345,7 ملن ەۋرو سوماسىنداعى قارىز تۋرالى كەلٸسٸمگە رەسمي تٷردە قول قويدى.
"قارىز باعدارلاماسى بەسەكەلەستٸكتٸ دامىتۋ سالاسىنداعى, مەملەكەتتٸك ساتىپ الۋداعى, سىبايلاس جەمقورلىققا قارسى كٷرەستەگٸ رەفورمالاردى قولدايدى جەنە الداعى ۋاقىتتا ەكونوميكانى تسيفرلاندىرۋ جەنە قارجى سەكتورىن نىعايتۋ ٷشٸن نەعۇرلىم تيٸمدٸ جاعدايلار جاساۋعا ىقپال ەتەتٸن بولادى.
ٷكٸمەتتٸڭ قارىز باعدارلاماسى شەڭبەرٸندەگٸ باستامالارى ەنەرگييا تيٸمدٸلٸگٸن ارتتىرۋعا, پارنيكتٸك گازدار شىعارىندىلارىن ازايتۋعا جەنە جەكە ينۆەستيتسييالاردى بەلسەندٸ تارتۋ ارقىلى جاڭارتىلاتىن ەنەرگييا كٶزدەرٸن كەڭٸنەن ەنگٸزۋگە ىقپال ەتەدٸ.
مەملەكەتتٸك ينستيتۋتتاردىڭ ەسەپتٸلٸگٸ مەن اشىقتىعىن ارتتىرۋ قازاقستان حالقىن قولداۋ جٶنٸندەگٸ ەلەۋمەتتٸك باعدارلامالاردى قارجىلاندىرۋ ٷشٸن بيۋدجەت رەسۋرستارىن تيٸمدٸ پايدالانۋعا باعىتتالعان", – دەلٸنگەن حابارلامادا.
