Halyqaralyq boks qaýymdastyǵy (AIBA) óziniń ýákiletti organdaryn Dýbaida ótken bokstan Aziia chempionatyndaǵy birjaqty tórelik etý nemese sybailas jemqorlyq faktilerin (eger ondai jaǵdailar oryn alǵan bolsa) anyqtaýǵa jáne tergeý júrgizýge mindettedi, dep habarlaidy Sports.kz.
«AIBA Dýbaida ótken bokstan Aziia chempionatynda belgili bir jekpe-jektermen bailanysty tórelikte týyndaǵan yqtimal problemalar men aiyptaýlar jóninde habardar. AIBA mundai aiyptaýlarǵa óte baiypty qaraidy. AIBA birneshe ulttyq boks federatsiialarymen ózara árekettestikten keiin, tóreshiler komiteti barlyq tiisti taǵaiyndalǵan laýazymdy tulǵalardyń jumysyna jedel tergeý júrgizetinin kútedi jáne bul jaǵdaida jaýap berý kerek pe, joq pa, sony anyqtaý úshin AIBA-nyń Tártiptik komitetine óz tujyrymdary týraly múmkindiginshe tezirek habarlaitynynan úmitti.
Mundai jaǵdaida Tártiptik komitetke quzyrettiliktiń jetispeýshiligine, manipýliatsiiaǵa nemese sybailas jemqorlyqqa bailanysty durys emes sheshimder qabyldanǵan-qabyldanbaǵanyn anyqtaý úshin dereý táýelsiz saraptama júrgizýge quqyq beriledi. Prezident Omar Kremlevtiń jańa basshylyǵymen AIBA boks tóreligi máselelerin táýelsiz saraptama arqyly sheshýge nietti ekenin aiqyn kórsetti.
Rio-2016 týrnirin qosa alǵanda, aldyńǵy máselelerge tolyq táýelsiz tergeý júrgizý tapsyryldy. Ádiletsiz aiqastarǵa kináli dep tanylǵan kez kelgen laýazymdy tulǵa AIBA jarystaryna qatysý quqyǵynan birjola aiyrylady. Prezident Kremlev jáne AIBA-daǵylar barlyq boksshyǵa árqashan da ádil jekpe-jek ótkizýge múmkindik berilýin qamtamasyz etýge daiyn. Budan keiingi jańalyqtar tergeý jáne reforma protsesiniń negizgi kezeńderi aiaqtalǵannan keiin jariialanady», — delingen AIBA resmi málimdemesinde.
Kóptegen jýrnalist pen jankúierlerdiń pikirinshe, birqatar boksshy 2021 jylǵy Aziia chempionatynda, atap aitqanda, qazaqstandyqtar birjaqty tórelik etý máselesine tap boldy. Finalda bes sportshy óner kórsetse de, qazaqstandyq boksshylar bul týrnirde birde-bir altyn medal ala almady.
