حالىقارالىق بوكس قاۋىمداستىعى (AIBA) ٶزٸنٸڭ ۋەكٸلەتتٸ ورگاندارىن دۋبايدا ٶتكەن بوكستان ازييا چەمپيوناتىنداعى بٸرجاقتى تٶرەلٸك ەتۋ نەمەسە سىبايلاس جەمقورلىق فاكتٸلەرٸن (ەگەر ونداي جاعدايلار ورىن العان بولسا) انىقتاۋعا جەنە تەرگەۋ جٷرگٸزۋگە مٸندەتتەدٸ, دەپ حابارلايدى Sports.kz.
«AIBA دۋبايدا ٶتكەن بوكستان ازييا چەمپيوناتىندا بەلگٸلٸ بٸر جەكپە-جەكتەرمەن بايلانىستى تٶرەلٸكتە تۋىنداعان ىقتيمال پروبلەمالار مەن ايىپتاۋلار جٶنٸندە حاباردار. AIBA مۇنداي ايىپتاۋلارعا ٶتە بايىپتى قارايدى. AIBA بٸرنەشە ۇلتتىق بوكس فەدەراتسييالارىمەن ٶزارا ەرەكەتتەستٸكتەن كەيٸن, تٶرەشٸلەر كوميتەتٸ بارلىق تيٸستٸ تاعايىندالعان لاۋازىمدى تۇلعالاردىڭ جۇمىسىنا جەدەل تەرگەۋ جٷرگٸزەتٸنٸن كٷتەدٸ جەنە بۇل جاعدايدا جاۋاپ بەرۋ كەرەك پە, جوق پا, سونى انىقتاۋ ٷشٸن AIBA-نىڭ تەرتٸپتٸك كوميتەتٸنە ٶز تۇجىرىمدارى تۋرالى مٷمكٸندٸگٸنشە تەزٸرەك حابارلايتىنىنان ٷمٸتتٸ.
مۇنداي جاعدايدا تەرتٸپتٸك كوميتەتكە قۇزىرەتتٸلٸكتٸڭ جەتٸسپەۋشٸلٸگٸنە, مانيپۋلياتسيياعا نەمەسە سىبايلاس جەمقورلىققا بايلانىستى دۇرىس ەمەس شەشٸمدەر قابىلدانعان-قابىلدانباعانىن انىقتاۋ ٷشٸن دەرەۋ تەۋەلسٸز ساراپتاما جٷرگٸزۋگە قۇقىق بەرٸلەدٸ. پرەزيدەنت ومار كرەملەۆتٸڭ جاڭا باسشىلىعىمەن AIBA بوكس تٶرەلٸگٸ مەسەلەلەرٸن تەۋەلسٸز ساراپتاما ارقىلى شەشۋگە نيەتتٸ ەكەنٸن ايقىن كٶرسەتتٸ.
ريو-2016 تۋرنيرٸن قوسا العاندا, الدىڭعى مەسەلەلەرگە تولىق تەۋەلسٸز تەرگەۋ جٷرگٸزۋ تاپسىرىلدى. ەدٸلەتسٸز ايقاستارعا كٸنەلٸ دەپ تانىلعان كەز كەلگەن لاۋازىمدى تۇلعا AIBA جارىستارىنا قاتىسۋ قۇقىعىنان بٸرجولا ايىرىلادى. پرەزيدەنت كرەملەۆ جەنە AIBA-داعىلار بارلىق بوكسشىعا ەرقاشان دا ەدٸل جەكپە-جەك ٶتكٸزۋگە مٷمكٸندٸك بەرٸلۋٸن قامتاماسىز ەتۋگە دايىن. بۇدان كەيٸنگٸ جاڭالىقتار تەرگەۋ جەنە رەفورما پروتسەسٸنٸڭ نەگٸزگٸ كەزەڭدەرٸ اياقتالعاننان كەيٸن جارييالانادى», — دەلٸنگەن AIBA رەسمي مەلٸمدەمەسٸندە.
كٶپتەگەن جۋرناليست پەن جانكٷيەرلەردٸڭ پٸكٸرٸنشە, بٸرقاتار بوكسشى 2021 جىلعى ازييا چەمپيوناتىندا, اتاپ ايتقاندا, قازاقستاندىقتار بٸرجاقتى تٶرەلٸك ەتۋ مەسەلەسٸنە تاپ بولدى. فينالدا بەس سپورتشى ٶنەر كٶرسەتسە دە, قازاقستاندىق بوكسشىلار بۇل تۋرنيردە بٸردە-بٸر التىن مەدال الا المادى.
