© Photo: Qazaq oil baspasóz qyzmeti
Energetika ministri Almasadam Sátqaliev AI-95 markaly benzindi Reseiden importtaý úshin kelissóz júrgizilip jatqanyn málimdedi, dep habarlaidy Sputnik Qazaqstan.
Onyń aitýynsha, búgin tańǵy 09.00-degi jaǵdai boiynsha elimizde AI-92 benzininiń 23 kúnge, al AI-95 benzininiń 15 kúnge jetetin qory bar. Dizel otynynyń qory 29 kúnge jetedi.
"AI-95 markaly benzindi importtaýǵa týra keledi. Óitkeni Pavlodar munai óńdeý zaýytyndaǵy jóndeý, Atyraý MÓZ-degi apatty jóndeý júrip jatyr, al Shymkent MÓZ AI-95 benzini óndirisin tómendetti. Osyǵan bailanysty ishki naryqty qamtamasyz etý Reseiden importtaýdyń arqasynda ǵana múmkin bolady dep otyrmyz. Tiisti kelissóz júrgizip jatyrmyz", - dedi Sátqaliev Úkimet kýlýarynda.
Ol AI-95 benzinin aiyna 40 myń tonnaǵa deiin importtaý qajet ekenin atap ótti. Aitýynsha, Gazpromneft importtyq AI-95 markaly benzindi jetkizýdi bastap ketken.
