© Photo: Qazaq oil باسپاسٶز قىزمەتٸ
ەنەرگەتيكا مينيسترٸ الماسادام سەتقاليەۆ اي-95 ماركالى بەنزيندٸ رەسەيدەن يمپورتتاۋ ٷشٸن كەلٸسسٶز جٷرگٸزٸلٸپ جاتقانىن مەلٸمدەدٸ, دەپ حابارلايدى Sputnik قازاقستان.
ونىڭ ايتۋىنشا, بٷگٸن تاڭعى 09.00-دەگٸ جاعداي بويىنشا ەلٸمٸزدە اي-92 بەنزينٸنٸڭ 23 كٷنگە, ال اي-95 بەنزينٸنٸڭ 15 كٷنگە جەتەتٸن قورى بار. ديزەل وتىنىنىڭ قورى 29 كٷنگە جەتەدٸ.
"اي-95 ماركالى بەنزيندٸ يمپورتتاۋعا تۋرا كەلەدٸ. ٶيتكەنٸ پاۆلودار مۇناي ٶڭدەۋ زاۋىتىنداعى جٶندەۋ, اتىراۋ مٶز-دەگٸ اپاتتى جٶندەۋ جٷرٸپ جاتىر, ال شىمكەنت مٶز اي-95 بەنزينٸ ٶندٸرٸسٸن تٶمەندەتتٸ. وسىعان بايلانىستى ٸشكٸ نارىقتى قامتاماسىز ەتۋ رەسەيدەن يمپورتتاۋدىڭ ارقاسىندا عانا مٷمكٸن بولادى دەپ وتىرمىز. تيٸستٸ كەلٸسسٶز جٷرگٸزٸپ جاتىرمىز", - دەدٸ سەتقاليەۆ ٷكٸمەت كۋلۋارىندا.
ول اي-95 بەنزينٸن ايىنا 40 مىڭ تونناعا دەيٸن يمپورتتاۋ قاجەت ەكەنٸن اتاپ ٶتتٸ. ايتۋىنشا, گازپرومنەفت يمپورتتىق اي-95 ماركالى بەنزيندٸ جەتكٸزۋدٸ باستاپ كەتكەن.
