QR Premer-Ministri Asqar Maminniń tóraǵalyǵymen ótken Úkimet otyrysynda Qazaqstanda koronavirýstyq infektsiianyń taralýyna jol bermeý sharalary qaraldy, dep habarlaidy "Ult aqparat".
Densaýlyq saqtaý ministri Eljan Birtanov qazirgi tańda Qytai Halyq Respýblikasynda jańa koronavirýstyq pnevmoniiamen naýqas 42 638 adam tirkelgenin, onyń ishinde – 1 016-i qaitys bolǵanyn jáne 3 996 emdelip shyqqanyn aitty.
«Álemniń 27 elinde 448 adamda koronovirýstyq infektsiia rastaldy. Bul rette, Qytaidaǵy syrqattyń taralý qarqyny 31 qańtar men 9 aqpan aralyǵynda 3,6 esege tómendedi (22%-dan 6,1%-ǵa deiin). Sonymen qatar, basqa elderde koronavirýstyq infektsiianyń taralý qarqyny 3,8%-27% aralyǵynda.
Qytaidaǵy epidemiologiialyq jaǵdaidyń qiyndaýyna bailanysty, Qazaqstan Respýblikasy Densaýlyq saqtaý ministrligi elimizge koronavirýstyq infektsiianyń ákelinýi men taralýynyń aldyn alý boiynsha kelesi sharalardy qabyldady: Qazaqstan Respýblikasynyń Bas memlekettik sanitariialyq dárigeriniń, elimizge ákeletin barlyq ótkizý pýnktterindegi sanitarly-epidemiologiialyq baqylaýdy kúsheitú týraly qaýlysy jariialandy; QHR-dan kelgen barlyq adamdardy turǵylyqty jeri boiynsha monitoringteý uiymdastyryldy. Budan ózge meditsinalyq uiymdardyń naýqas jáne aýrýǵa kúdikti adamdardy qabyldaýǵa daiyndyq retinde qosymsha 4,5 myń qosymsha tósek orny daiyndaldy. Jeke qorǵanysh quraldarynyń, profilaktikalaý jáne emdeý zattarynyń qajetti qory quryldy.
2020 jyldyń 30 qańtarynda Dúniejúzilik Densaýlyq Saqtaý Uiymy qoǵamdyq densaýlyq saqtaýda halyqaralyq mánge ie tótenshe jaǵdai jariialady. Osyǵan bailanysty Densaýlyq saqtaý ministrligi elimizdiń barlyq shekarasynda sanitariialyq-epidemiologiialyq baqylaýdy kúsheitý týraly buiryǵyn qabyldady», — dedi E. Birtanov.
Memleket basshysynyń tapsyrmasy boiynsha, aǵymdaǵy jyldyń 27 qańtarynda Premer-Ministrdiń orynbasary Berdibek Saparbaevtyń tóraǵalyǵymen Qazaqstan Respýblikasynda koronavirýstyq infektsiianyń paida bolýy men taralýyna jol bermeý sharalaryn úilestirý jónindegi vedomstvoaralyq komissiia quryldy, onyń quramyna barlyq múddeli memlekettik organdar men oblystardyń jáne Nur-Sultan, Almaty jáne Shymkent qalalarynyń ákimdikteri kirdi.
Atalǵan komissiianyń sheshimimen:
-
Qazaqstan Respýblikasynda koronavirýstyq infektsiianyń paida bolýy men taralýyna jol bermeý jónindegi is-sharalar jospary bekitildi;
-
Kezeń-kezeńmen jolaýshylar tasymaly toqtatyldy (áýe, temir jol, avtokólik);
-
Úkimettiń rezervinen qosymsha qarjy bólindi.
Respýblikamyzda koronavirýstyq infektsiianyń paida bolýy men taralýyna jol bermeý maqsatynda memlekettik shekara arqyly ótetin barlyq pýnktterde aǵymdaǵy jyldyń 6 qańtarynan bastap barlyǵy 260 885 adam, onyń ishinde QHR-dan – 30 852 adam qaraldy.
Búgingi jaǵdai boiynsha dene qyzýy joǵary jáne jedel respiratorlyq-virýstyq infektsiianyń simptomdary bar 140 adam emdeýge jatqyzyldy, onyń 113-i emdelip shyqty, 27-si statsionarda em alýda. Emdeýge jatqyzylǵan naýqastardyn eshqaisysynda koronavirýstyq infektsiia rastalǵan joq.
Meditsinalyq uiymdar Qytaidan kelgen 23 059 adamdy turǵyn jeri boiynsha 14 kúndik baqylaýǵa aldy. 14 kúndik inkýbatsiialyq mezgildiń aiaqtalýyna bailanysty Qytaidan kelgen 15 478 adam monitoringten bosatylsa, 8 690-y áli de meditsinalyq baqylaýda. Eshqaisysynda koronovirýstyq infektsiia tirkelmegen.
Ulttyq asa qaýipti infektsiialar ortalyǵy Ulttyq biotehnologiia ortalyǵymen birlese otyryp koronavirýsty jedel anyqtaýǵa múmkindik beretin diagnostikalyq júie ázirledi.
Osyǵan qosa, Resei Federatsiiasy men Qytai Halyq Respýblikasynan diagnostikalyq testiler alyndy. Nátijesinde, koronavirýstyq infektsiia kúdigimen emdeýge jatqyzylǵan, jáne Ýhan qalasynan evakýatsiialanǵan barlyq 313 adam arnaiy zertteýmen qamtyldy. Zertteý qorytyndylary teris – koronavirýs anyqtalǵan joq.
Resei Federatsiiasy men Ózbekstan Respýblikasynyń densaýlyq saqtaý ministrlikterimen birlese otyryp Ýhan qalasynan evakýatsiialanǵan azamattarymyzdyń densaýlyǵy baqylaýǵa alyndy. Olardyń densaýlyqtary qanaǵattanarlyq, aralarynda koronavirýs anyqtalǵan joq.
Densaýlyq saqtaý ministrligi halyq arasynda aýqymdy aqparattyq túsindirý jumysyn jasaýda. Koronavirýstyq infektsiia suraqtary boiynsha call-ortalyq táýlik boiy jumys isteidi.
Halyqtyń koronavirýstyq infektsiiadan qorǵanýyn qamtamasyz etý maqsatynda:
1) Meditsinalyq baqylaýdy jalǵastyrý, qajet bolǵan jaǵdaida 14 kúndik karantinge jatqyzýdy qamtamasyz etý qajet. Tiisti nusqaýlyqtar densaýlyq saqtaý basqarmalaryna jiberildi.
2) Halyq arasynda koronovirýstyq infektsiianyń aldyn alý boiynsha aqparattyq túsindirý jumystaryn jalǵastyrý qajet.
Syrtqy ister ministri Muhtar Tileýberdi óz kezeginde Syrtqy ister ministrliginiń koronavirýstyń Qazaqstan Respýblikasynyń aýmaǵynda taralýyna jol bermeý boiynsha atqarǵan jumystary týraly baiandady.
Syrtqy ister ministrligi QR Prezidenti K. Toqaevtyń QHR Tóraǵasy Si Tszinpinniń atyna koronavirýsqa qarsy kúreste Qytaiǵa elimizdiń barynsha kómek kórsetýge jáne tolyqtai qoldaý kórsetýge daiyn ekeni týraly hatyn joldady. Sondai-aq Qytaiǵa meditsinalyq qolǵaptar (1 mln dana) jáne maskalar (500 myń dana) túrinde gýmanitarlyq kómek kórsetý máselesi pysyqtaldy.
Budan ózge, diplomatiialyq arnalar arqyly túsken ótinishterge sáikes EAEO elderiniń 24 azamatyn (18 Qyrǵyzstan azamaty, 5 Belarýs azamaty jáne 1 Armeniia azamaty) áketýge járdem kórsetildi. Bishkekke birden jiberilgen Qyrǵyz Respýblikasynyń azamattarynan basqa, Nur-Sultan qalasyna kelgennen keiin azamattardyń barlyǵy karantinge jatqyzyldy.
Qytai tarapymen qol jetkizilgen ýaǵdalastyqtardyń nátijesinde «Eir Astana» áýe kompaniiasynyń reisimen 11 aqpanda QR 217 azamaty Nur-Sultan qalasyna jetkizildi, taǵy 155 qazaqstandyq 2020 jyldyń 12 aqpanynda jetkiziledi.
Qytai tarapynyń ótinishi boiynsha 10 aqpanda «Eir Astana» reisimen Qazaqstannan QHR 43 azamaty jáne QHR Elshiligi men QHR Bas konsýldyǵynyń Almatydaǵy kommertsiialyq emes júginiń birinshi bóligi tasymaldandy. Ekinshi bóligi jetkiziledi.
«Osy jyldyń 10 jáne 12 aqpanynda azamattardy evakýatsiialaǵannan keiin Qytai aýmaǵynda QR 343 azamaty, onyń ishinde bizdiń shet eldegi mekemelerdiń qyzmetkerleri men otbasy músheleri qalady», — dep habarlady syrtqy ister ministri.
QR Elshiligi Bilim jáne ǵylym ministrligimen jáne QHR JOO-larymen birlesip, qazaqstandyqtardy qajetti meditsinalyq jabdyqtarmen jáne tamaqpen qamtamasyz etý jumystaryn júrgizip jatyr.
QR Syrtqy ister ministrligi men QHR-daǵy QR-nyń barlyq shet elderdegi mekemelerinde QR azamattaryna keńes berý úshin jedel jeliler qurylǵan. SIM men QR-nyń QHR-daǵy mekemeleriniń veb-saittary arqyly, sondai-aq túrli áleýmettik jeliler arqyly (facebook, instagram, telegram, weibo, wechat jáne t. b.) aǵymdaǵy jaǵdai týraly azamattardy der kezinde habardar etý júzege asyrylýda.
Búgingi tańda SIM usynymy boiynsha QR 450 azamaty Qazaqstanǵa ózderi oraldy.
«Joǵaryda atalǵan sharalar qytai tarapymen tyǵyz bailanysta júzege asyrylýda, bul Qytai aýmaǵyndaǵy QR azamattarymen bailanysty barlyq máselelerdi konstrýktivti túrde sheshýge múmkindik beredi. QHR aýmaǵyndaǵy bizdiń azamattardyń quqyqtary men múddelerin qamtamasyz etýge kedergi keltiretin eshqandai da problemalar joq», — dep sendirdi syrtqy ister ministri.
QHR-daǵy QR Elshiliginde bar aqparat boiynsha, 2020 jylǵy 11 aqpandaǵy jaǵdai boiynsha QHR aýmaǵynda koronavirýstyń jańa túri týdyrǵan pnevmoniiamen aýyrǵandar arasynda qazaqstandyq azamattar joq.
