Qazaqstanda eldiń týristik áleýetin nasihattaý úshin shaqyrylatyn sheteldik blogerlerdiń saparyna biýdjet qarajaty jumsalmaidy. Bul týraly Kazakh Tourism ulttyq kompaniiasynyń basqarma tóraǵasy Talǵat Ǵazizov málimdedi, dep habarlaidy ult.kz.
Úkimettegi brifing barysynda jýrnalister sońǵy ýaqytta AQSh, Eýropa jáne Qytai blogerleriniń Qazaqstan týraly videolary jiilegenin aityp, olardyń saparlary qalai qarjylandyrylatynyn surady.
Talǵat Ǵazizovtyń aitýynsha, ulttyq kompaniianyń blogerlermen jumys isteýge arnalǵan jeke biýdjeti joq. Barlyq yntymaqtastyq seriktestik jáne barterlik negizde júzege asyrylady.
Onyń sózinshe, blogerlerdiń saparyn uiymdastyrýǵa qonaqúiler, meiramhanalar, týroperatorlar men áýekompaniialar qatysady. Keibir áýe tasymaldaýshylary blogerlerdi tegin jetkizýge kelisse, týristik biznes ókilderi ornalastyrý jáne qyzmet kórsetý shyǵyndaryn óz moinyna alady.
Kazakh Tourism bul protseste úilestirýshi ról atqarady: blogerlerdi shaqyryp, olardy biznes ókilderimen bailanystyrady. Alaida saparlardy tikelei qarjylandyrmaidy.
Kompaniia málimetinshe, blogerler Qazaqstan úshin basym sanalatyn naryqtardan – Qytai, Eýropa, Aziia jáne TMD elderinen shaqyrylady.
Aita keteiik, 2024 jyly Qytaidyń milliondaǵan oqyrmany bar blogerleriniń Qazaqstanǵa sapary qoǵamda qyzý talqylanǵan edi. Sol kezde de týr shyǵyndaryn demeýshiler kótergeni habarlanǵan bolatyn.
