قازاقستاندا ەلدٸڭ تۋريستٸك ەلەۋەتٸن ناسيحاتتاۋ ٷشٸن شاقىرىلاتىن شەتەلدٸك بلوگەرلەردٸڭ ساپارىنا بيۋدجەت قاراجاتى جۇمسالمايدى. بۇل تۋرالى Kazakh Tourism ۇلتتىق كومپانيياسىنىڭ باسقارما تٶراعاسى تالعات عازيزوۆ مەلٸمدەدٸ, دەپ حابارلايدى ult.kz.
ٷكٸمەتتەگٸ بريفينگ بارىسىندا جۋرناليستەر سوڭعى ۋاقىتتا اقش, ەۋروپا جەنە قىتاي بلوگەرلەرٸنٸڭ قازاقستان تۋرالى ۆيدەولارى جيٸلەگەنٸن ايتىپ, ولاردىڭ ساپارلارى قالاي قارجىلاندىرىلاتىنىن سۇرادى.
تالعات عازيزوۆتىڭ ايتۋىنشا, ۇلتتىق كومپانييانىڭ بلوگەرلەرمەن جۇمىس ٸستەۋگە ارنالعان جەكە بيۋدجەتٸ جوق. بارلىق ىنتىماقتاستىق سەرٸكتەستٸك جەنە بارتەرلٸك نەگٸزدە جٷزەگە اسىرىلادى.
ونىڭ سٶزٸنشە, بلوگەرلەردٸڭ ساپارىن ۇيىمداستىرۋعا قوناقٷيلەر, مەيرامحانالار, تۋروپەراتورلار مەن ەۋەكومپانييالار قاتىسادى. كەيبٸر ەۋە تاسىمالداۋشىلارى بلوگەرلەردٸ تەگٸن جەتكٸزۋگە كەلٸسسە, تۋريستٸك بيزنەس ٶكٸلدەرٸ ورنالاستىرۋ جەنە قىزمەت كٶرسەتۋ شىعىندارىن ٶز موينىنا الادى.
Kazakh Tourism بۇل پروتسەستە ٷيلەستٸرۋشٸ رٶل اتقارادى: بلوگەرلەردٸ شاقىرىپ, ولاردى بيزنەس ٶكٸلدەرٸمەن بايلانىستىرادى. الايدا ساپارلاردى تٸكەلەي قارجىلاندىرمايدى.
كومپانييا مەلٸمەتٸنشە, بلوگەرلەر قازاقستان ٷشٸن باسىم سانالاتىن نارىقتاردان – قىتاي, ەۋروپا, ازييا جەنە تمد ەلدەرٸنەن شاقىرىلادى.
ايتا كەتەيٸك, 2024 جىلى قىتايدىڭ ميلليونداعان وقىرمانى بار بلوگەرلەرٸنٸڭ قازاقستانعا ساپارى قوعامدا قىزۋ تالقىلانعان ەدٸ. سول كەزدە دە تۋر شىعىندارىن دەمەۋشٸلەر كٶتەرگەنٸ حابارلانعان بولاتىن.
