«Astana» halyqaralyq qarjy ortalyǵy (AHQO) men Hanchjoýdyń elektrondyq kommertsiia boiynsha indýstrialdyq parki niettestik hatyna qol qoidy. Oǵan sáikes, AHQO aimaǵynda elektrondyq kommertsiia indýstriiasyn damytý boiynsha birlesken park qurý múmkindigin zertteitin bolady, dep habarlaidy "Ult aqparat" AHQO baspasóz qyzmetine silteme jasap.
Qazaqstan Respýblikasy Úkimeti men Qytai Halyq respýblikasy arasyndaǵy «Nurly jol» jańa ekonomikalyq saiasaty men «Jibek jolynyń ekonomikalyq beldeýi» sekildi baǵdarlamalarda kórsetilgen mindetterdi birlesip júzege asyrý maqsatynda taraptar yntymaqtasa jumys isteýdi kózdep otyr. Bul degenimiz - Qazaqstandaǵy elektrondyq kommertsiia indýstriiasyn alǵa jyljytý jáne damytý, elektrondyq kommertsiia salasyndaǵy qytailyq kompaniialardy Ortalyq Aziia naryǵyna shyǵarý, AHQO-nyń negizgi baǵyttarynyń biri - qarjy tehnologiialaryn damytý.
Osy qujatqa sai, Hanchjoý elektrondyq kommertsiia boiynsha indýstrialdyq parki AHQO-men birge qazaqstandyq elektrondyq kommertsiia parkin qurý men paidalaný boiynsha óziniń resýrstarymen jáne tehnikalyq tájirbiesimen bólispek.
Taraptar, sonymen qatar, elektrondyq saýda salasyndaǵy zertteýler boiynsha aqparat almasýǵa, birlesken oqý, bilim berý baǵdarlamalary, onyń ishinde seminarlar, konferentsiialardy uiymdastyryp, ótkizýge kelisti.
AHQO men qytailyq kompaniia arasyndaǵy yntymaqtastyq AHQO aimaǵynda elektrondyq kommertsiianyń Aimaqtyq habyn qurýda mańyzdy ról oinamaq.
AHQO-nyń maqsaty qarjylyq qyzmetterdi kórsetetin halyqaralyq deńgeidegi jetekshi ortalyq qalyptastyrý. Postkeńestik keńistikte tuńǵysh ret aǵylshyn quqyǵynyń qaǵidattary engiziledi, qarjy ortalyǵynyń resmi tili - aǵylshyn tili bolady.
«Astana» halyqaralyq qarjy ortalyǵy mindetteri qarjylyq qyzmetter salasynda investitsiialaý úshin tartymdy orta qurý arqyly el ekonomikasyna investitsiialar tartýǵa járdemdesý, Qazaqstan Respýblikasynyń baǵaly qaǵazdar naryǵyn damytý, onyń halyqaralyq kapital naryqtarymen yqpaldasýyn qamtamasyz etý bolyp tabylady. AHQO sondai-aq elimizde saqtandyrý, bank qyzmetteri men islamdyq qarjylandyrý naryǵyn damytýǵa niettenedi.
