«استانا» حالىقارالىق قارجى ورتالىعى (احقو) مەن حانچجوۋدىڭ ەلەكتروندىق كوممەرتسييا بويىنشا يندۋستريالدىق پاركٸ نيەتتەستٸك حاتىنا قول قويدى. وعان سەيكەس, احقو ايماعىندا ەلەكتروندىق كوممەرتسييا يندۋستريياسىن دامىتۋ بويىنشا بٸرلەسكەن پارك قۇرۋ مٷمكٸندٸگٸن زەرتتەيتٸن بولادى, دەپ حابارلايدى "ۇلت اقپارات" احقو باسپاسٶز قىزمەتٸنە سٸلتەمە جاساپ.
قازاقستان رەسپۋبليكاسى ٷكٸمەتٸ مەن قىتاي حالىق رەسپۋبليكاسى اراسىنداعى «نۇرلى جول» جاڭا ەكونوميكالىق ساياساتى مەن «جٸبەك جولىنىڭ ەكونوميكالىق بەلدەۋٸ» سەكٸلدٸ باعدارلامالاردا كٶرسەتٸلگەن مٸندەتتەردٸ بٸرلەسٸپ جٷزەگە اسىرۋ ماقساتىندا تاراپتار ىنتىماقتاسا جۇمىس ٸستەۋدٸ كٶزدەپ وتىر. بۇل دەگەنٸمٸز - قازاقستانداعى ەلەكتروندىق كوممەرتسييا يندۋستريياسىن العا جىلجىتۋ جەنە دامىتۋ, ەلەكتروندىق كوممەرتسييا سالاسىنداعى قىتايلىق كومپانييالاردى ورتالىق ازييا نارىعىنا شىعارۋ, احقو-نىڭ نەگٸزگٸ باعىتتارىنىڭ بٸرٸ - قارجى تەحنولوگييالارىن دامىتۋ.
وسى قۇجاتقا ساي, حانچجوۋ ەلەكتروندىق كوممەرتسييا بويىنشا يندۋستريالدىق پاركٸ احقو-مەن بٸرگە قازاقستاندىق ەلەكتروندىق كوممەرتسييا پاركٸن قۇرۋ مەن پايدالانۋ بويىنشا ٶزٸنٸڭ رەسۋرستارىمەن جەنە تەحنيكالىق تەجٸربيەسٸمەن بٶلٸسپەك.
تاراپتار, سونىمەن قاتار, ەلەكتروندىق ساۋدا سالاسىنداعى زەرتتەۋلەر بويىنشا اقپارات الماسۋعا, بٸرلەسكەن وقۋ, بٸلٸم بەرۋ باعدارلامالارى, ونىڭ ٸشٸندە سەمينارلار, كونفەرەنتسييالاردى ۇيىمداستىرىپ, ٶتكٸزۋگە كەلٸستٸ.
احقو مەن قىتايلىق كومپانييا اراسىنداعى ىنتىماقتاستىق احقو ايماعىندا ەلەكتروندىق كوممەرتسييانىڭ ايماقتىق حابىن قۇرۋدا ماڭىزدى رٶل ويناماق.
احقو-نىڭ ماقساتى قارجىلىق قىزمەتتەردٸ كٶرسەتەتٸن حالىقارالىق دەڭگەيدەگٸ جەتەكشٸ ورتالىق قالىپتاستىرۋ. پوستكەڭەستٸك كەڭٸستٸكتە تۇڭعىش رەت اعىلشىن قۇقىعىنىڭ قاعيداتتارى ەنگٸزٸلەدٸ, قارجى ورتالىعىنىڭ رەسمي تٸلٸ - اعىلشىن تٸلٸ بولادى.
«استانا» حالىقارالىق قارجى ورتالىعى مٸندەتتەرٸ قارجىلىق قىزمەتتەر سالاسىندا ينۆەستيتسييالاۋ ٷشٸن تارتىمدى ورتا قۇرۋ ارقىلى ەل ەكونوميكاسىنا ينۆەستيتسييالار تارتۋعا جەردەمدەسۋ, قازاقستان رەسپۋبليكاسىنىڭ باعالى قاعازدار نارىعىن دامىتۋ, ونىڭ حالىقارالىق كاپيتال نارىقتارىمەن ىقپالداسۋىن قامتاماسىز ەتۋ بولىپ تابىلادى. احقو سونداي-اق ەلٸمٸزدە ساقتاندىرۋ, بانك قىزمەتتەرٸ مەن يسلامدىق قارجىلاندىرۋ نارىعىن دامىتۋعا نيەتتەنەدٸ.
