Keń-Býlýn beketi arqyly Qyrǵyzstannan Qazaqstanǵa óte almai turǵan júk kólikteriniń sany 200-ge jetti, - dep habarlaidy Tengrinews.kz agenttigi "Habar 24" arnasyna silteme jasap.
Telearna málimetinshe, kólik keptelisine ne sebep bolǵanyn ázirge eshkim túsindirmegen. Ádette taýar nemese azyq-túlik tielgen júk kólikterine shekaradan ótý qiyn ekeni ǵana aitylǵan.
Qyrǵyzstannan Qazaqstanǵa bos aýyr júk kólikteri tek Keń-Býlýn beketi arqyly kire alady.
"Munda turǵanymyzǵa eki kún boldy. Kólikterdiń barlyǵy bos, eshbir júgi joq. Qazaqstan aýmaǵyna kirgizýin kútip turmyz, óitkeni bizge sol jaqta júk tiep, konteinerlerimizdi qaldyrý kerek", - deidi kólik júrgizýshi Talǵat Askeev.
"Qyrǵyz tarapy Jańa jyldan keiin taýarlardy tek elektrondy qujatpen jiberýge mindetteme alǵan. Alaida bul shartty oryndap jatqan joqpyz. Elektrondy qujaty joq kez kelgen kólikti qazaqstandyqtar baqylaidy. Sondai kólik kóp ekenin kórip tursyz, sondyqtan 200, 300 kólik shekarada turyp qaldy", - deidi Qyrǵyzstan tasmyldaýshylar men logister qaýymdastyǵynyń tóraǵasy Temir Shabdanaliev.
Kezekti azaitý úshin logister baqylaýshy organdarǵa elektrondy jáne ózge de qujattardy shekaraǵa jetpei Qyrǵyzstan aýmaǵynda tekserýdi usynady. Al qujattary durys rásimdelgen kólik júrizýshileri shekaradan kedergisiz ótedi.
