كەڭ-بۋلۋن بەكەتٸ ارقىلى قىرعىزستاننان قازاقستانعا ٶتە الماي تۇرعان جٷك كٶلٸكتەرٸنٸڭ سانى 200-گە جەتتٸ, - دەپ حابارلايدى Tengrinews.kz اگەنتتٸگٸ "حابار 24" ارناسىنا سٸلتەمە جاساپ.
تەلەارنا مەلٸمەتٸنشە, كٶلٸك كەپتەلٸسٸنە نە سەبەپ بولعانىن ەزٸرگە ەشكٸم تٷسٸندٸرمەگەن. ەدەتتە تاۋار نەمەسە ازىق-تٷلٸك تيەلگەن جٷك كٶلٸكتەرٸنە شەكارادان ٶتۋ قيىن ەكەنٸ عانا ايتىلعان.
قىرعىزستاننان قازاقستانعا بوس اۋىر جٷك كٶلٸكتەرٸ تەك كەڭ-بۋلۋن بەكەتٸ ارقىلى كٸرە الادى.
"مۇندا تۇرعانىمىزعا ەكٸ كٷن بولدى. كٶلٸكتەردٸڭ بارلىعى بوس, ەشبٸر جٷگٸ جوق. قازاقستان اۋماعىنا كٸرگٸزۋٸن كٷتٸپ تۇرمىز, ٶيتكەنٸ بٸزگە سول جاقتا جٷك تيەپ, كونتەينەرلەرٸمٸزدٸ قالدىرۋ كەرەك", - دەيدٸ كٶلٸك جٷرگٸزۋشٸ تالعات اسكەەۆ.
"قىرعىز تاراپى جاڭا جىلدان كەيٸن تاۋارلاردى تەك ەلەكتروندى قۇجاتپەن جٸبەرۋگە مٸندەتتەمە العان. الايدا بۇل شارتتى ورىنداپ جاتقان جوقپىز. ەلەكتروندى قۇجاتى جوق كەز كەلگەن كٶلٸكتٸ قازاقستاندىقتار باقىلايدى. سونداي كٶلٸك كٶپ ەكەنٸن كٶرٸپ تۇرسىز, سوندىقتان 200, 300 كٶلٸك شەكارادا تۇرىپ قالدى", - دەيدٸ قىرعىزستان تاسمىلداۋشىلار مەن لوگيستەر قاۋىمداستىعىنىڭ تٶراعاسى تەمير شابداناليەۆ.
كەزەكتٸ ازايتۋ ٷشٸن لوگيستەر باقىلاۋشى ورگاندارعا ەلەكتروندى جەنە ٶزگە دە قۇجاتتاردى شەكاراعا جەتپەي قىرعىزستان اۋماعىندا تەكسەرۋدٸ ۇسىنادى. ال قۇجاتتارى دۇرىس رەسٸمدەلگەن كٶلٸك جٷرٸزۋشٸلەرٸ شەكارادان كەدەرگٸسٸز ٶتەدٸ.
