Qazaq halqynyń kórsetken qurmetimen qonaqjailyǵyn ynjyqtyq nemese qorqaqtyq dep qabyldaýǵa bolmaidy. Mundai pikirdi L.Gýmilev atyndaǵy Eýraziia ulttyq ýniversitetiniń professory, tarih ǵylymdarynyń doktory Zada Dúkenbaeva bildirdi, dep habarlaidy QazAqparat.
«Qazaqstan Táýelsizdik alǵan ýaqyttan bastap elimizdi meken etken túrli ult ókilderiniń emin-erkin ómir súrýine jaǵdai jasap keledi. Olardyń dinine, tiline, mádenietine eshqandai qysym kórsetilmedi. Sondai-aq ózge ult ókilderi kedergisiz bilim ala alatyndai etip, mektepter ashyp berdik. Táýelsizdikke qol jetkizgenge deiin keibir ult ókilderiniń Qazaqstan terrritoriiasynda ǵylymi-zertteý ortalyqtary da boldy. Óitkeni, el birligi – biz úshin asyl qasiet. Degenmen qazaq halqynyń kórsetken qurmetimen qonaqjailyǵyn ynjyqtyq nemese qorqaqtyq dep qabyldaýǵa bolmaidy», - dedi Zada Orazǵaliqyzy.
Sonymen qatar tarihshy Elbasy N.Nazarbaev QHA Keńesinde kótergen qazaq tilin etonosaralyq til mártebesine kóterý bastamasyna qatysty pikir bildirdi.
«Qazaqstan alǵash memleket bolyp irge kóterip jatqan ýaqytta jerimizdiń keńdigi men halyq sanynyń azdyǵyna bailanysty Qazaqstan halqy Assambleiasy quryldy. Buǵan qosa úsh tildilik saiasatyn ustandyq. Al endi basqa ulttardyń qazaq halqyna syilastyq tanytyp, tilimizdi nasihattaityn kezi kelgen siiaqty. Máselen, AQSh-tyń azamattary ultyna qaramastan bári ózin amerikalyq sanaidy. Sondyqtan bizdiń elimiz de ózge ulttarǵa bólinbei, barlyǵy birge «Qazaq halqy» dep atalyp, barshasy qazaq tilinde sóileýge tyrysýy kerek. Bul - naǵyz dostyqtyń, birliktiń belgisi bolady», - dep atap ótti L.Gýmilev atyndaǵy Eýraziia ulttyq ýniversitetiniń professory.
.jpeg)