قازاق حالقىنىڭ كٶرسەتكەن قۇرمەتٸمەن قوناقجايلىعىن ىنجىقتىق نەمەسە قورقاقتىق دەپ قابىلداۋعا بولمايدى. مۇنداي پٸكٸردٸ ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پروفەسسورى, تاريح عىلىمدارىنىڭ دوكتورى زادا دٷكەنباەۆا بٸلدٸردٸ, دەپ حابارلايدى قازاقپارات.
«قازاقستان تەۋەلسٸزدٸك العان ۋاقىتتان باستاپ ەلٸمٸزدٸ مەكەن ەتكەن تٷرلٸ ۇلت ٶكٸلدەرٸنٸڭ ەمٸن-ەركٸن ٶمٸر سٷرۋٸنە جاعداي جاساپ كەلەدٸ. ولاردىڭ دٸنٸنە, تٸلٸنە, مەدەنيەتٸنە ەشقانداي قىسىم كٶرسەتٸلمەدٸ. سونداي-اق ٶزگە ۇلت ٶكٸلدەرٸ كەدەرگٸسٸز بٸلٸم الا الاتىنداي ەتٸپ, مەكتەپتەر اشىپ بەردٸك. تەۋەلسٸزدٸككە قول جەتكٸزگەنگە دەيٸن كەيبٸر ۇلت ٶكٸلدەرٸنٸڭ قازاقستان تەررريتوريياسىندا عىلىمي-زەرتتەۋ ورتالىقتارى دا بولدى. ٶيتكەنٸ, ەل بٸرلٸگٸ – بٸز ٷشٸن اسىل قاسيەت. دەگەنمەن قازاق حالقىنىڭ كٶرسەتكەن قۇرمەتٸمەن قوناقجايلىعىن ىنجىقتىق نەمەسە قورقاقتىق دەپ قابىلداۋعا بولمايدى», - دەدٸ زادا ورازعاليقىزى.
سونىمەن قاتار تاريحشى ەلباسى ن.نازارباەۆ قحا كەڭەسٸندە كٶتەرگەن قازاق تٸلٸن ەتونوسارالىق تٸل مەرتەبەسٸنە كٶتەرۋ باستاماسىنا قاتىستى پٸكٸر بٸلدٸردٸ.
«قازاقستان العاش مەملەكەت بولىپ ٸرگە كٶتەرٸپ جاتقان ۋاقىتتا جەرٸمٸزدٸڭ كەڭدٸگٸ مەن حالىق سانىنىڭ ازدىعىنا بايلانىستى قازاقستان حالقى اسسامبلەياسى قۇرىلدى. بۇعان قوسا ٷش تٸلدٸلٸك ساياساتىن ۇستاندىق. ال ەندٸ باسقا ۇلتتاردىڭ قازاق حالقىنا سىيلاستىق تانىتىپ, تٸلٸمٸزدٸ ناسيحاتتايتىن كەزٸ كەلگەن سيياقتى. مەسەلەن, اقش-تىڭ ازاماتتارى ۇلتىنا قاراماستان بەرٸ ٶزٸن امەريكالىق سانايدى. سوندىقتان بٸزدٸڭ ەلٸمٸز دە ٶزگە ۇلتتارعا بٶلٸنبەي, بارلىعى بٸرگە «قازاق حالقى» دەپ اتالىپ, بارشاسى قازاق تٸلٸندە سٶيلەۋگە تىرىسۋى كەرەك. بۇل - ناعىز دوستىقتىڭ, بٸرلٸكتٸڭ بەلگٸسٸ بولادى», - دەپ اتاپ ٶتتٸ ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پروفەسسورى.
.jpeg)