Qazaq gazetteri» jaýapkershiligi shekteýli seriktestiginiń jańa basshysy bolyp Patteev Shámshidin Áshenqojauly taǵaiyndaldy, dep habarlaidy "Ult aqparat".
Shámshidin Áshenqojauly Patteev 1960 jyly 12 qańtarda Ońtústik Qazaqstan oblysynda dúniege kelgen. 1978 jyly Túrkistan qalasyndaǵy orta mektepti jaqsy támamdaǵan ol, eńbek jolyn kieli Qoja Ahmet Iasaýi kesenesi janyndaǵy murajaidyń kishi ǵylymi qyzmetkeri bolyp, jóndeý qyzmetine qatysýdan bastady. 1984 jyly Kirov atyndaǵy Qazaq memlekettik ýniversitetiniń jýrnalistika fakýltetin bitirgen.
1988-1991 jyldar aralyǵynda «Óner» baspasynda - redaktor, 1991-1994 jyldar aralyǵynda «Aldaspan» jastar shyǵarmashylyq birlestikteri qaýymdastyǵynyń bas direktory bolyp qyzmet atqarǵan. 1997 jyldan beri halyqaralyq «Túrkistan» gazetiniń bas redaktory bolyp qyzmet etedi. Osy ýaqyt aralyǵynda ol qalypty gazet shyǵarýǵa uiytqy bolyp qana qoimai, basylymnyń jańa turpattaǵy kelbetin jasady. Gazet betinde túrli qoǵamdyq máselelerge saliqaly saraptama jasaýdy tilshilerden únemi talap etip otyratyn basshy retinde ol «Túrkistan» gazetiniń respýblikalyq qazaqtildi gazetter arasyndaǵy abyroi-bedelin joǵarylatyp, basylym tanymdylyǵyn arttyra tústi.
Shámshidin Áshenqojaulynyń qoǵamdyq pikirtalastarda, túrli BAQ-tar arqyly memlekettik til, oralmandar taǵdyryna orai aityp júrgen súbeli oilary udaiy kópshiliktiń qoldaýyna ie.
Qazaqstan Respýblikasynyń Eńbek sińirgen Mádeniet qairatkeri, «Qurmet» ordeniniń iegeri, «Qazaqstan Respýblikasynyń Táýelsizdiginiń 10 jyldyǵy», «Astananyń 10 jyldyǵy» medaldarymen marapattalǵan.
