قازاق گازەتتەرٸ» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ جاڭا باسشىسى بولىپ پاتتەەۆ شەمشيدين ەشەنقوجاۇلى تاعايىندالدى, دەپ حابارلايدى "ۇلت اقپارات".
شەمشيدين ەشەنقوجاۇلى پاتتەەۆ 1960 جىلى 12 قاڭتاردا وڭتٷستٸك قازاقستان وبلىسىندا دٷنيەگە كەلگەن. 1978 جىلى تٷركٸستان قالاسىنداعى ورتا مەكتەپتٸ جاقسى تەمامداعان ول, ەڭبەك جولىن كيەلٸ قوجا احمەت ياساۋي كەسەنەسٸ جانىنداعى مۇراجايدىڭ كٸشٸ عىلىمي قىزمەتكەرٸ بولىپ, جٶندەۋ قىزمەتٸنە قاتىسۋدان باستادى. 1984 جىلى كيروۆ اتىنداعى قازاق مەملەكەتتٸك ۋنيۆەرسيتەتٸنٸڭ جۋرناليستيكا فاكۋلتەتٸن بٸتٸرگەن.
1988-1991 جىلدار ارالىعىندا «ٶنەر» باسپاسىندا - رەداكتور, 1991-1994 جىلدار ارالىعىندا «الداسپان» جاستار شىعارماشىلىق بٸرلەستٸكتەرٸ قاۋىمداستىعىنىڭ باس ديرەكتورى بولىپ قىزمەت اتقارعان. 1997 جىلدان بەرٸ حالىقارالىق «تٷركٸستان» گازەتٸنٸڭ باس رەداكتورى بولىپ قىزمەت ەتەدٸ. وسى ۋاقىت ارالىعىندا ول قالىپتى گازەت شىعارۋعا ۇيىتقى بولىپ قانا قويماي, باسىلىمنىڭ جاڭا تۇرپاتتاعى كەلبەتٸن جاسادى. گازەت بەتٸندە تٷرلٸ قوعامدىق مەسەلەلەرگە ساليقالى ساراپتاما جاساۋدى تٸلشٸلەردەن ٷنەمٸ تالاپ ەتٸپ وتىراتىن باسشى رەتٸندە ول «تٷركٸستان» گازەتٸنٸڭ رەسپۋبليكالىق قازاقتٸلدٸ گازەتتەر اراسىنداعى ابىروي-بەدەلٸن جوعارىلاتىپ, باسىلىم تانىمدىلىعىن ارتتىرا تٷستٸ.
شەمشيدين ەشەنقوجاۇلىنىڭ قوعامدىق پٸكٸرتالاستاردا, تٷرلٸ باق-تار ارقىلى مەملەكەتتٸك تٸل, ورالماندار تاعدىرىنا وراي ايتىپ جٷرگەن سٷبەلٸ ويلارى ۇدايى كٶپشٸلٸكتٸڭ قولداۋىنا يە.
قازاقستان رەسپۋبليكاسىنىڭ ەڭبەك سٸڭٸرگەن مەدەنيەت قايراتكەرٸ, «قۇرمەت» وردەنٸنٸڭ يەگەرٸ, «قازاقستان رەسپۋبليكاسىنىڭ تەۋەلسٸزدٸگٸنٸڭ 10 جىلدىعى», «استانانىڭ 10 جىلدىعى» مەدالدارىمەن ماراپاتتالعان.
