Jalǵyz aktsionerdiń buiryǵymen «QazAgro» holdingi» AQ Basqarma tóraǵasy bolyp Qarashókeev Erbol Shyraqbaiuly taǵaiyndaldy, dep habarlaidy "Ult aqparat" AShM baspasóz qyzmetine silteme jasap.
Qarashókeev Erbol Shyraqbaiuly - 1976 jyly Almaty oblysynda dúniege kelgen. Ál-Farabi atyndaǵy Qazaq memlekettik ulttyq ýniversitetin bitirgen, quqyqtaný bakalavry, sonymen birge Ál-Farabi Atyndaǵy QazMUÝ ekonomika jáne quqyq institýtynyń ekonomika magistri diplomy bar.
Eńbek jolyn 1998 jyly QR Statistika agenttiginiń taldaý jáne koniýnktýralyq zertteýler basqarmasynda bastaǵan.
Ár jyldary «Medikýs Tsentr» JShS BK-da basshylyq laýazymynda boldy, «Eksporttyq kreditterdi jáne investitsiialardy saqtandyrý jónindegi memlekettik saqtandyrý korporatsiiasy» AQ Qarjy departamentiniń direktory - Basqarma múshesi (2003-2006), QR Qarjy ministrligi «Jiyntyq-taldaý departamentiniń direktory (2006-2007), «QazAgro» UBH» AQ Basqarýshy direktory (2007), «Aýyl sharýashylyǵyn qarjylai qoldaý qory» AQ Basqarma tóraǵasy (2007-2009), «Respýblikalyq biýdjettiń atqarylýyn baqylaý jónindegi esep komitetiniń «Qarjylyq buzýshylyqtardy zertteý ortalyǵy» RMK bas direktory (2010-2012), «Samuryq-Qazyna» UÁQ «QBTÝ» munai-gaz injiniringi jáne aqparattyq tehnologiialar institýty JShS Bas direktory (2012-2013), «Qazaqstannyń turǵyn úi qurylys jinaq banki» AQ Basqarma tóraǵasynyń orynbasary (2013-2016).
2016-2019 jyldar aralyǵynda QR Prezidenti Ákimshiliginiń Áleýmettik-ekonomikalyq monitoring bólimi meńgerýshisiniń orynbasary qyzmetin atqardy, sodan keiin Qazaqstan Respýblikasy Qarjy ministrligi Qazynashylyq komitetiniń tóraǵasy laýazymyn atqardy.
