Byltyr «Qaiyrymdy ister marafonyna» 5 mln qazaqstandyq atsalysqan. QR Aqparat jáne qoǵamdyq damý ministri Asqar Ýmarov vedomstvonyń keńeitilgen alqa májilisinde osylai aitty, dep habarlaidy QazAqparat.
«Ministrlik 2021 jyly azamattyq qoǵammen qarym-qatynasqa tyń serpin berdi. Osy oraida, Qazaqstannyń Azamattyq forýmynyń merekelik onynshy jiynyn erekshe atap ótken jón. Is-shara bilik pen qoǵam dialogynyń mańyzyn taǵy bir márte dáleldedi. Forým barysynda úkimettik emes uiymdar, buqaralyq aqparat quraldary, biznes jáne jalpy azamattyq sektor ókilderinen myńnan asa usynys pen usynym kelip tústi.
Sondai-aq 2021 jyly «Qoǵamdyq keńester týraly» zańǵa túzetýler engizildi. Zań qoǵamdyq keńesterdiń ókilettikterin aitarlyqtai kúsheitti», - dedi vedomstvo basshysy
Sondai-aq ministr Májiliske qoǵam ókilderimen talqylaýdyń barlyq kezeńderinen ótken «Qoǵamdyq baqylaý týraly» zań jobasy engizilgenin eske saldy.
«Úkimettik emes uiymdarǵa grant berý erejelerine ózgeris engizdik. Halyqtyń suranysyn eskerip, ony alǵash ret jalpy talqyǵa saldyq.
Byltyr Prezidenttiń bastamasymen qaiyrymdy ister marafony iske asyryldy. Oǵan 5 millionǵa jýyq azamat atsalysty.
2021 jyly «Úkimettik emes uiymdar akademiiasy» jobasy jalǵasyn tapty. Sonyń aiasynda byltyr 800-den astam azamattyq sektor ókili oqytyldy.
Jalpy, Úkimettik emes uiymdarmen birge túrli jobalar iske asyrylyp jatyr. Jyl saiyn respýblika boiynsha áleýmettik mańyzy bar 2 myńǵa jýyq joba júzege asyrylady», - dedi Asqar Ýmarov.
