بىلتىر «قايىرىمدى ٸستەر مارافونىنا» 5 ملن قازاقستاندىق اتسالىسقان. قر اقپارات جەنە قوعامدىق دامۋ مينيسترٸ اسقار ۋماروۆ ۆەدومستۆونىڭ كەڭەيتٸلگەن القا مەجٸلٸسٸندە وسىلاي ايتتى, دەپ حابارلايدى قازاقپارات.
«مينيسترلٸك 2021 جىلى ازاماتتىق قوعاممەن قارىم-قاتىناسقا تىڭ سەرپٸن بەردٸ. وسى ورايدا, قازاقستاننىڭ ازاماتتىق فورۋمىنىڭ مەرەكەلٸك ونىنشى جيىنىن ەرەكشە اتاپ ٶتكەن جٶن. ٸس-شارا بيلٸك پەن قوعام ديالوگىنىڭ ماڭىزىن تاعى بٸر مەرتە دەلەلدەدٸ. فورۋم بارىسىندا ٷكٸمەتتٸك ەمەس ۇيىمدار, بۇقارالىق اقپارات قۇرالدارى, بيزنەس جەنە جالپى ازاماتتىق سەكتور ٶكٸلدەرٸنەن مىڭنان اسا ۇسىنىس پەن ۇسىنىم كەلٸپ تٷستٸ.
سونداي-اق 2021 جىلى «قوعامدىق كەڭەستەر تۋرالى» زاڭعا تٷزەتۋلەر ەنگٸزٸلدٸ. زاڭ قوعامدىق كەڭەستەردٸڭ ٶكٸلەتتٸكتەرٸن ايتارلىقتاي كٷشەيتتٸ», - دەدٸ ۆەدومستۆو باسشىسى
سونداي-اق مينيستر مەجٸلٸسكە قوعام ٶكٸلدەرٸمەن تالقىلاۋدىڭ بارلىق كەزەڭدەرٸنەن ٶتكەن «قوعامدىق باقىلاۋ تۋرالى» زاڭ جوباسى ەنگٸزٸلگەنٸن ەسكە سالدى.
«ٷكٸمەتتٸك ەمەس ۇيىمدارعا گرانت بەرۋ ەرەجەلەرٸنە ٶزگەرٸس ەنگٸزدٸك. حالىقتىڭ سۇرانىسىن ەسكەرٸپ, ونى العاش رەت جالپى تالقىعا سالدىق.
بىلتىر پرەزيدەنتتٸڭ باستاماسىمەن قايىرىمدى ٸستەر مارافونى ٸسكە اسىرىلدى. وعان 5 ميلليونعا جۋىق ازامات اتسالىستى.
2021 جىلى «ٷكٸمەتتٸك ەمەس ۇيىمدار اكادەميياسى» جوباسى جالعاسىن تاپتى. سونىڭ اياسىندا بىلتىر 800-دەن استام ازاماتتىق سەكتور ٶكٸلٸ وقىتىلدى.
جالپى, ٷكٸمەتتٸك ەمەس ۇيىمدارمەن بٸرگە تٷرلٸ جوبالار ٸسكە اسىرىلىپ جاتىر. جىل سايىن رەسپۋبليكا بويىنشا ەلەۋمەتتٸك ماڭىزى بار 2 مىڭعا جۋىق جوبا جٷزەگە اسىرىلادى», - دەدٸ اسقار ۋماروۆ.
