Foto: Wikicity.kz
Almaty qalasynyń ákimi Erbolat Dosaev máslihattyń kezekten tys sessiiasynda "Almaly" saýda ortalyǵy murajaiǵa ainalatynyn málimdedi, dep habarlaidy ult.kz.
"2025 jyldan bastap Almatyda burynǵy "Almaly" saýda ortalyǵynyń bazasynda Balalarǵa arnalǵan ǵylym murajaiy quryla bastaidy. TMD elderinde alǵash ret ashylǵaly otyrǵan murajaiǵa Science Museum Singapore kómektesedi. Sol úshin qala biýdjetinen 12,2 mlrd teńge bólinedi", - dep málimdedi Erbolat Dosaev.
Aita keteiik, "Almaly" saýda ortalyǵy Almaty qalasyndaǵy Respýblika alańynda jer astynda ornalasqan. saýda ortalyǵynyń jabyq turǵanyna birneshe jyl boldy. Onyń salynýy da qoǵamda daý týdyrǵan edi. Sebebi, Jeltoqsan kóterilisi bolǵan, myńdaǵan adamnyń qany tógilgen qasiretke toly jerdi oiyn-saýyq ortalyǵyna ainaldyrýǵa qarsy bolǵandar kóp boldy.
Eske salsaq, "Almaly" saýda kesheni burynǵy prezident Nursultan Nazarbaevtyń qudasy Qairat Boranbaevqa tiesili bolǵan. Ol bul nysandy 2023 jyly memleket menshigine qaitaryp bergen. Qańtar oqiǵasy kezdinde saýda kesheninde biraz múlik qiraǵan.
