Qazaq SSR eńbek sińirgen jattyqtyrýshysy, «Qairat» fýtbol klýbynyń ardageri Leonid Ostroýshko 83 jasqa qaraǵan shaǵynda qaitys boldy, dep habarlaidy "Ult aqparat" klýbtyń baspasóz qyzmetine silteme jasap.
Ol fýtbolshy jáne tálimger retinde de ulttyq quramanyń jarqyn ókili boldy.
Alty maýsymda Ostroýshko joǵary ligada oinady, 200 match ótkizip, 8 gol soqty. Birinshi ligada ótken 7 maýsymda Ostroýshko 55 ret gol soqty. Sonymen birge, 1957 jyly ol osy klýbtyń úzdik bombardiri atandy.
Leonid Konstantinovich uzaq jyldar boiy «Qairat» fýtbol komandasyn jattyqtyrdy. 1986 jyly «Qairat» KSRO chempionattarynda KSRO joǵary ligasynda 6-orynǵa ie boldy. 1988 jyly almatylyq fýtbolshylar Keńes Odaǵynyń Federatsiia kýbogyn jeńip aldy.
2003 jyly «Qairat» Leonid Konstantinovichtiń jetekshiligimen Qazaqstan kýbogynyń bes dúrkin jeńimpazy atandy.
«Qairat» fýtbol klýby Leonid Ostroýshkonyń týystary men jaqyndaryna qaiǵyryp kóńil aitady.
