قازاق سسر ەڭبەك سٸڭٸرگەن جاتتىقتىرۋشىسى, «قايرات» فۋتبول كلۋبىنىڭ ارداگەرٸ لەونيد وستروۋشكو 83 جاسقا قاراعان شاعىندا قايتىس بولدى, دەپ حابارلايدى "ۇلت اقپارات" كلۋبتىڭ باسپاسٶز قىزمەتٸنە سٸلتەمە جاساپ.
ول فۋتبولشى جەنە تەلٸمگەر رەتٸندە دە ۇلتتىق قۇرامانىڭ جارقىن ٶكٸلٸ بولدى.
التى ماۋسىمدا وستروۋشكو جوعارى ليگادا وينادى, 200 ماتچ ٶتكٸزٸپ, 8 گول سوقتى. بٸرٸنشٸ ليگادا ٶتكەن 7 ماۋسىمدا وستروۋشكو 55 رەت گول سوقتى. سونىمەن بٸرگە, 1957 جىلى ول وسى كلۋبتىڭ ٷزدٸك بومبارديرٸ اتاندى.
لەونيد كونستانتينوۆيچ ۇزاق جىلدار بويى «قايرات» فۋتبول كومانداسىن جاتتىقتىردى. 1986 جىلى «قايرات» كسرو چەمپيوناتتارىندا كسرو جوعارى ليگاسىندا 6-ورىنعا يە بولدى. 1988 جىلى الماتىلىق فۋتبولشىلار كەڭەس وداعىنىڭ فەدەراتسييا كۋبوگىن جەڭٸپ الدى.
2003 جىلى «قايرات» لەونيد كونستانتينوۆيچتٸڭ جەتەكشٸلٸگٸمەن قازاقستان كۋبوگىنىڭ بەس دٷركٸن جەڭٸمپازى اتاندى.
«قايرات» فۋتبول كلۋبى لەونيد وستروۋشكونىڭ تۋىستارى مەن جاقىندارىنا قايعىرىپ كٶڭٸل ايتادى.
