Qazaqstan Respýblikasy Parlamenti Senatynyń depýtaty Qairat Tastekeev Borodýliha aýdanynyń turǵyndarymen kezdesip, atom elektr stantsiiasyn salý máselesin talqylady. Kezdesýge qatysýshylar damyǵan elderdiń atom energetikasy salasyndaǵy tájiribesimen tanysyp, aldaǵy referendýmnyń mańyzdylyǵyna toqtaldy, dep habarlaidy Egemen.kz Senattyń baspasóz qyzmetine silteme jasap.
Qairat Tastekeev atom elektr stantsiiasyn salý – Qazaqstannyń energetikalyq qaýipsizdigin qamtamasyz etýdiń negizgi qadamy ekendigine nazar aýdardy. Ol atom elektr stantsiiasy elektr energiiasynyń tapshylyǵyn azaita otyryp, elimizdi energiiamen jabdyqtaýda turaqtylyq pen senimdilikti qamtamasyz etetinin, sondai-aq uzaq merzimdi ekonomikalyq paida ákeletinin atap ótti.
Senator atom energetikasyn damytý joǵary tehnologiialyq sheshimderdi engizýge yqpal etetinin, sondai-aq otandyq ǵylym men bilimge oń áser etetinin atap ótti.
«AES salý – bul jai ǵana strategiialyq sheshim emes, bul bolashaq urpaq úshin Qazaqstannyń aldaǵy jyldarǵa turaqty damýyn qamtamasyz etetin mańyzdy qadam», dep atap ótti Qairat Tastekeev.
Kezdesý barysynda óńirdiń ekonomikalyq damýy jáne atom energetikasynyń ǵylymdy qajetsinetin tehnologiialardy jedel damytý jónindegi máseleler talqylandy. Respýblikalyq halyq shtabynyń músheleri Qazaqstannyń árbir azamatynyń aldaǵy referendýmǵa qatysýy eldiń bolashaǵy úshin asa mańyzdy ekenin atap ótti.
Kezdesý belsendi pikirlesý túrinde ótti jáne onda turǵyndar jobanyń qaýipsizdigi men ekologiialyq máselelerine qatysty suraqtar qoidy. Qoiylǵan barlyq suraqqa tolyq jaýap berildi.
