قازاقستان رەسپۋبليكاسى پارلامەنتٸ سەناتىنىڭ دەپۋتاتى قايرات تاستەكەەۆ بورودۋليحا اۋدانىنىڭ تۇرعىندارىمەن كەزدەسٸپ, اتوم ەلەكتر ستانتسيياسىن سالۋ مەسەلەسٸن تالقىلادى. كەزدەسۋگە قاتىسۋشىلار دامىعان ەلدەردٸڭ اتوم ەنەرگەتيكاسى سالاسىنداعى تەجٸريبەسٸمەن تانىسىپ, الداعى رەفەرەندۋمنىڭ ماڭىزدىلىعىنا توقتالدى, دەپ حابارلايدى Egemen.kz سەناتتىڭ باسپاسٶز قىزمەتٸنە سٸلتەمە جاساپ.
قايرات تاستەكەەۆ اتوم ەلەكتر ستانتسيياسىن سالۋ – قازاقستاننىڭ ەنەرگەتيكالىق قاۋٸپسٸزدٸگٸن قامتاماسىز ەتۋدٸڭ نەگٸزگٸ قادامى ەكەندٸگٸنە نازار اۋداردى. ول اتوم ەلەكتر ستانتسيياسى ەلەكتر ەنەرگيياسىنىڭ تاپشىلىعىن ازايتا وتىرىپ, ەلٸمٸزدٸ ەنەرگييامەن جابدىقتاۋدا تۇراقتىلىق پەن سەنٸمدٸلٸكتٸ قامتاماسىز ەتەتٸنٸن, سونداي-اق ۇزاق مەرزٸمدٸ ەكونوميكالىق پايدا ەكەلەتٸنٸن اتاپ ٶتتٸ.
سەناتور اتوم ەنەرگەتيكاسىن دامىتۋ جوعارى تەحنولوگييالىق شەشٸمدەردٸ ەنگٸزۋگە ىقپال ەتەتٸنٸن, سونداي-اق وتاندىق عىلىم مەن بٸلٸمگە وڭ ەسەر ەتەتٸنٸن اتاپ ٶتتٸ.
«اەس سالۋ – بۇل جاي عانا ستراتەگييالىق شەشٸم ەمەس, بۇل بولاشاق ۇرپاق ٷشٸن قازاقستاننىڭ الداعى جىلدارعا تۇراقتى دامۋىن قامتاماسىز ەتەتٸن ماڭىزدى قادام», دەپ اتاپ ٶتتٸ قايرات تاستەكەەۆ.
كەزدەسۋ بارىسىندا ٶڭٸردٸڭ ەكونوميكالىق دامۋى جەنە اتوم ەنەرگەتيكاسىنىڭ عىلىمدى قاجەتسٸنەتٸن تەحنولوگييالاردى جەدەل دامىتۋ جٶنٸندەگٸ مەسەلەلەر تالقىلاندى. رەسپۋبليكالىق حالىق شتابىنىڭ مٷشەلەرٸ قازاقستاننىڭ ەربٸر ازاماتىنىڭ الداعى رەفەرەندۋمعا قاتىسۋى ەلدٸڭ بولاشاعى ٷشٸن اسا ماڭىزدى ەكەنٸن اتاپ ٶتتٸ.
كەزدەسۋ بەلسەندٸ پٸكٸرلەسۋ تٷرٸندە ٶتتٸ جەنە وندا تۇرعىندار جوبانىڭ قاۋٸپسٸزدٸگٸ مەن ەكولوگييالىق مەسەلەلەرٸنە قاتىستى سۇراقتار قويدى. قويىلعان بارلىق سۇراققا تولىق جاۋاپ بەرٸلدٸ.
